නායකඩ කන්ද නාය යෑමේ අවදානමක්..!February 27, 2011 11:02 am

බදුල්ල , මීගහකිවුල් ප්‍රාදේශීය ලේකම් කොට්ඨාශයට අයත් කලුකහකඳුර ගම්මානයට ඉහළින් ඇති නායකඩ කන්දේ නාය නායමත් සමඟ ගල් කඩා වැටීමේ අවදානමක් ඇති බව ප්‍රදේශවාසීහු පවසති.

මෙම කන්දේ සිට පෙරළෙන ගල් කෙළින්‍ම පතිත වනුයේ ප්‍රපාතයේ පහළ ඇති විදුහලට බව ප්‍රදේශවාසීන් පෙන්වාදෙයි.

මේ හේතුවෙන් එම විදුහලට දරුවන් එවීමට පවා ප්‍රදේශවාසීන් බියක් දක්වන අතර අවදානම් සහිත නිවාස වල ජනතාව එයින් ඉවත්වී ඇති බවද වාර්තා වේ.

මීට දිගු කලකට ඉහත දී මෙම කන්දේ සිට දැවැන්ත නායයාමක් සිදුවීම හේතුවෙන් මෙම කන්ද නායකඩ කන්ද ලෙස නම් කොට තිබේ.

මේ පිළිබඳව කඩිනමින් භූ විද්‍යා පරීක්ෂණයක් පවත්වන ලෙස ගම්වාසීන් බලධාරීන්ගෙන් ඉල්ලා සිටියි.