දැව ජාවාරම ජයට ගෙන ගිය පොලිස් සැරයන් මාට්ටුFebruary 27, 2011 08:55 am

පොලිස් සැරයන්‍වරයෙකුගේ මූලිකත්වයෙන් දීර්ඝ කාලයක් තිස්සේ පවත්වාගෙන ගිය දැව ජවාරමක තොරතුරු අනාවරණය කර ගැනීමට අනුරාධපුර අඩවි වන කාර්යාලයේ නිලධාරීන් සමත් වී තිබේ.

රුපියල් ලක්ෂ 2 ට අධික තේක්ක දැව තොගයක් ලොරියකින් ප්‍රවාහනය කරමින් සිටිය දී මෙම පොලිස් සැරයන්වරයා අත්අඩංගුවට ගෙන ඇති බව වාර්තා වේ.

එම අවස්ථාවේ ලොරි රථයේ සිටි අනුරාධපුර නගරයේ ලී වෙළදසැලක සේවකයෙකු ද අත්අඩංගුවට ගෙන තිබේ.

මෙම පොලිස් සැරයන්වරයා ව්‍යාජ බලපත්‍ර යොදා ගනිමින් කාලයක සිට මෙලෙස දැව ජාවාරමේ නිරත වී ඇති බව වාර්තා වේ.

අත්අඩංගුවට ගත් පොලිස් සැයන්වරයා අනුරාධපුර ප්‍රදේශයේ පදිංචිකරුවෙකු වන අතර උඩමළුව පොලිස් ස්ථානයට අනුයුක්තව සේවය කර ඇති බව සඳහන්වේ..