ගුවන් හමුදාවේ මහ පුටුව භාරදීම අදයි-වැඩ ඇරඹීම හෙටයිFebruary 27, 2011 10:23 am

හිටපු ගුවන් හමුදාපති එයාර් චීෆ් මාර්ෂල් රොෂාන් ගුණතිලක මහතා විසින් නව ගුවන් හමුදාපතිවරයා වෙත තමා මෙතෙක් දැරූ ධූරය නිල වශයෙන් පිරිනැමීම අද(27)සිදුවන බව ශ්‍රී ලංකා ගුවන් හමුදාවේ මාධ්‍ය ඒකකය සඳහන් කරයි.

ශ්‍රී ලංකා ගුවන් හමුදාවේ 13 වැනි ගුවන් හමුදාපතිවරයා ලෙස එයාර් මාෂල් හර්ෂ අබේවික්‍රම මහතා පසුගිය දා පත්කරනු ලැබිණි.

හිටපු ගුවන් හමුදාපති එයාර් චීෆ් මාෂල් රොෂාන් ගුණතිලක මහතා විසින් ‍ගුවන් හමුදා පරිශ්‍රයේ දී අද පස්වරුවේ නිල වශයෙන් ගුවන් හමුදාපතිධුරය භාර දීම සිදු කිරීමට නියමිත බව ශ්‍රී ලංකා ගුවන් හමුදා මූලස්ථානය පවසයි.

එයින් ඉක්බිතිව හෙට දිනයේදී(28)එයාර් මාෂල් හර්ෂ අබේවික්‍රම මහතා සිය නව ධූරයෙහි වැඩ භාර ගැනීම නිල වශයෙන් සිදුකරන බව පැවසෙයි.

ගුවන් හමුදාපතිධුරයෙන් විශ්‍රාම ලැබීමෙන් අනතුරුව එයාර් චීෆ් මාෂල් රොෂාන් ගුණතිලක මහතා මෙතෙක් වැඩ බැලූ ආරක්ෂක මාණ්ඩලික ප්‍රධානී තනතුරේ පිහිටුවීමට රජය තීරණය කර තිබේ