වහලයෙන් බිමට වැටී සිවිල් ආරක්ෂකයා මරුටFebruary 27, 2011 10:40 am

හලාවත , ආරච්චිකට්ටුව ප්‍රදේශයේ දී වහලයකින් වැටීමෙන් සිදු වූ අනතුරකින් සිවිල් ආරක්ෂක නිලධාරියෙකු ජීවිතක්ෂයට පත්වී තිබේ.

‍ඊයේ පස්වරුවේ මෙම අනතුර සිදු වී ඇති බව හලාවත පොලිසිය ප්‍රකාශ කරයි.

සාලියවැව පොලිසියට අනුයුක්තව සේවය කළ මෙම සිවිල් ආරක්ෂක නිලධාරියා අඹකැලේ , බීජ පොල් පර්යේෂණ ආයතනයේ ‍ආරක්ෂක කටයුතු වල නිරත වී සිටිය දී මෙම අනතුර සිදු වී ඇති බව වාර්තා වේ.

වහලයෙන් බිමට වැටීමෙන් අනතුරට පත් වූ මෙම සිවිල් ආරක්ෂක නිලධාරියා ප්‍රතිකාර සඳහා හලාවත රෝහලට ඇතුළත් කිරීමෙන් අනතුරුව ජීවිතක්ෂයට පත්ව තිබේ.

මෙම අනතුර සම්බන්ධයෙන් විශේෂ පරීක්ෂණයක් ආරම්භ කර ඇති බව හලාවත පොලිසිය ප්‍රකාශ කරයි.