මේ සටන කෙළවර වන්නේ ජයග්‍රහණයෙන් නැතිනම් මරණයෙන් පමණක් බව ජාතික නිදහස් පෙරමුණේ නායක, අමාත්‍ය විමල් වීරවංශ මහතා පවසයි. එයින් මෙපිට කිසිදු විසඳුමක් නැති බවත් ඔහු කියා සිටියේ අද උපවාසය පැවත්වෙන අතරතුර මාධ්‍යවේදීන් පිරිසක් අමතමිනි.
තමන් මේ සටන ආරම්භ කළේ රණවිරුවන් වෙනුවෙන් බවත්,රණ විරුවන් රටට දිනා දුන් සාමය වෙනුවෙන් බවත්,එකී සාමය කිසිවෙකුටත් හෑල්ලු කරන්නට ඉඩනොදෙන බවත් හෙතෙම පවසයි.
බෑන්කී මූන් විසින් පත්කළ කමිටුව සේනාධිනායකයා ඇතුළු රණ විරුවන් යුද අධිකරණයට දැක්කීම සඳහා ගනු ලැබූ උත්සාහයක් බව අමතක නොලකයුතු බවත්,එකී උත්සාහය කෙසේ හෝ පරාජය කළයුතු බවත් ඔහු කියා සිටියි.
ලෝකයේ සෑම රටකම පාහේ ජීවත්වන ශ්‍රී ලාංකිකයින්ගේ ශක්තිය පෙන්වීම සඳහා හොඳම අවස්ථාව මෙය බවත් ,මව්බිමට එරෙහි බලවේග පරාජය කිරීම සඳහා මේ මොහොතේ එකතුවිය යුතු බවත් තමන් මේ මොහොතේ ඒ වෙනුවෙන් සියලු ශ්‍රී ලාංකිකයින්ගෙන් ඉල්ලීමක් කරන බවත් වීරවංශ මහතා කියා සිටියේය. adaderana
