ජාතික නිදහස් පෙරමුණේ නායක,අමාත්‍ය විමල් වීරවංශ මහතා විසින් ඉදිරිපත් කළ ඉල්ලා අස්වීමේ ලිපිය ජනාධිපතිවරයා බාර නොගත් බව හා එය බාර ගැනීම ජනාධිපතිවරයා විසින් ප්‍රතික්ෂේප කළ බව හිටපු පාර්ලිමේන්තු මන්ත්‍රී,ජාතික නිදහස් පෙරමුණේ ජාතික සංවිධායක ජයන්ත සමරවීර මහතා පවසයි.
රජයේ කැබිනට් අමාත්‍යවරයෙකු ලෙස මෙම විරෝධතා ව්‍යාපාරයට එක්වීම පිළිබඳ රජය පහසුතාවය පත්වන අන්දමේ පුවත්පළවීම හේතුවෙන් ජාතික නිදහස් පෙරමුණේ නායකයා අමාත්‍ය ධූරයෙන් ඉල්ලා අස්වීමට තීරණය කළ බවද හෙතෙම කියා සිටියේ අද උපවාසය පවත්වන ස්ථානයේදී මාධ්‍යවේදීන් හමුවූ අවස්ථාවේදීය.
මේ පිළිබඳ ජනාධිපති ලේකම් ලලිත් වීරතුංග මහතාගෙන් අද දෙරණ කළ විමසීමකදී ඔහු කියා සිටියේ සැබවින්ම විමල් වීවංශ මහතාගෙන් එහෙව් ලිපියක් මේ වනතුරුත් ලැබී නැති බව හා ජනාධිපතිවරයාද ඉල්ලා අස්වීමක් පිළිබඳ නොදන්නා බවයි. adaderana
0 comments:
Post a Comment