ශ්‍රී ලංකාවේ පිහිටි එක්සත් ජාතීන්ගේ කිසිදු කාර්යාලයක් වසා දැමීමට එක්සත් ජාතීන් තීරණය කර නැති බවත්,එකී සියලු කාර්යාලයන් අද දවසේ ද නිසි පිරිදි සිය රාජකාරී කටයුතු සිදුකරන බවත් එක්සත් ජාතීන්ගේ සංවිධානයේ කොළඹ කාර්යාලයේ ප්‍රවෘත්ති නිලධාරී මොහාන් සමරනායක මහතා පවසයි.
එහෙත් කොළඹ නිදහස් චත්‍රරස්‍රයේ පිහිටි එක්සත් ජාතීන්ගේ සංවර්ධන වැඩසටහනේ කලාප කාර්යාලය පමණක් බැංකොක් වලට ගෙන යන්නට මීට මාස ගණනකට ඉහතදී තීරණය කර තිබුණු බැවින් එකී තීරණය ක්‍රියාත්මක කෙරුණු බව හෙතෙම සඳහන් කරයි.
මෙම තීරණයට එක්සත් ජාතීන් බොහෝ කලකට පෙරාතුව ගත් නිසාම මාස කිහිපයකට ඉහතදී එක්සත් ජාතීන්ගේ සංවර්ධන වැඩසටහනේ කොළඹ කලාප කාර්යාලයේ සේවකයින් අඩක් පමණ අඩුකිරිමට පියවර ගෙන තිබුණු බවත් මොහාන් සමරනායක මහතා අද දෙරණට කියා සිටියේය.
ඒ අනුව එක්සත් ජාතීන්ගේ සංවර්ධන වැඩසටහනේ කොළඹ කාර්යාලය වසා දමා නැති බවත්,එහි රාජකාරී කටයුතු නිසි පිරිදි සිදුකරන බවත් ,නිදහස් චත්‍රරස්‍රයේ පිහිටුවා තිබූ කලාප කාර්යාලය පමණක් එතැනින් ඉවත් කිරීමට පියවර ගෙන ඇති බවත් හෙතෙම වැඩිදුරටත් කියා සිටියේය. adaerana
0 comments:
Post a Comment