එක්සත් ජාතීන්ගේ සංවර්ධන වැඩසටහනේ කොළඹ පිහිටි කාර්යාලය තාවකාලිකව වසා දමන ලෙස එහි මහ ලේකම් බෑන්කී මූන් මහතා දන්වා ඇතැයි මහ ලේකම්වරයාගේ මාධ්‍ය ප්‍රකාශකයා පවසයි.
එක්සත් ජාතීන්ට එරෙහි විරෝධතාවය සමනය කිරීම වෙනුවෙන් ශ්‍රී ලංකා රජය ගනු ලැබූ ක්‍රියාමාර්ග පිළිබඳ තමන් සෑහීමකට පත්නොවීම නිසා එහි ප්‍රධාන කාර්යාලය විසින් ගනුලැබූ මෙම තීරණය නිල වශයෙන් කොළඹ කාර්යාලයට දැනුම්දී ඇතැයි සඳහන් වේ.
රජයේ කැබිනට් අමාත්‍යවරයෙකුගේ ප්‍රධානත්වයෙන් ආරම්භ කර ඇති මෙම නොහික්මුණු විරෝධතාවය වළක්වන්නට ශ්‍රී ලංකා රජය අසමත්ව තිබීම මහ ලේකම්වරයාගේ නොසතුටට හේතුවී ඇතැයි එක්සත් ජාතීන්ගේ සහකාර මාධ්‍ය ප්‍රකාශක ෆර්හාන් හක් සඳහන් කරයි.
සාමාන්‍ය මෙහෙයුම් කටයුතු යළි ආරම්භ කරන තුරු එක්සත් ජාතීන්ගේ නේවාසික සම-සංවිධායක නිව් යෝර්ක්වලට කැඳවා මේ පිළිබඳ දීර්ඝ වශයෙන් සාකච්ඡා කරන බව එක්සත් ජාතීන්ගේ සංවර්ධන වැඩසටහනේ කොළඹ කාර්යාලය වැඩිදුරටත් පවසයි.adaderana
0 comments:
Post a Comment