ශ්‍රී ලංකාවේ අභ්‍යන්තර කටයුතු සඳහා ජගත් සංවිධානය මැදිහත්වීම නුසුදුසු බව පලස්තීනය පවසයි. ශ්‍රී ලංකාවේ පලස්තින තානාපති ආචාර්ය එන්වර් එච්. අල්එගා ඊයේ පාර්ලිමේන්තු සංකීර්ණයේ දී අග්‍රාමාත්‍ය දි. මු. ජයරත්න මහතා හමුවූ අවස්ථාවේ දී මේ බව සඳහන් කළේය.
එක්සත් ජාතීන්ගේ සංවිධානය මධ්‍යස්ථ ආයතනයක් ලෙස පෙනී සිටිය ද ඔවුන් ලෝකයේ බලවත් ර‍ාජ්‍යයන්ගේ අභිමතයට අනුව පක්ෂපාතීව ක්‍රියාකරන බව තානාපතිවරයා පෙන්වාදෙයි. පලස්තීනය තුළ ඊශ්‍රායලය විසින් මුදා හැර ඇති කෲරත්වය නිරීක්ෂණය කිරීම සඳහා දක්වන මන්දගාමී ස්වභාවය මෙම පක්ෂපාතී ක්‍රියා කලාපයට හොඳම උදාහරණයක් බව ද එන්වර් අල්එගා මහතා පවසයි.
මේ අතර ශ්‍රී ලංකාවේ අභ්‍යන්තර කටයුතු සඳහා ජාත්‍යන්තර වශයෙන් එල්ල වන බලපෑම් හමුවේ ශ්‍රී ලංකාවට නිරන්තරයෙන් සහය දැක්වීම පලස්තීනයේ ස්ථාවරය බව ද පලස්තීන තානාපති ආචාර්ය අන්වර් එච්. අල්එගා මහතා වැඩිදුරටත් සඳහන් කළේය. adaderana
0 comments:
Post a Comment