උතුරු වසන්තය වැඩසටහන යටතේ වව්නියාව, මන්නාරම, මුලතිවු සහ කිලිනොච්චි දිස්ත්‍රික්කවල වල දමා ඇති බිම්බෝම්බ ඉවත් කිරීම කඩිනම් කිරීමට රජය පියවර ගෙන තිබේ. ආර්ථික සංවර්ධන අමාත්‍යාංශය මේ සඳහා යටිතල පහසුකම් සපයා ඇති අතර උතුරු ප්‍රදේශයේ වල දමා ඇති බිම්බෝම්බ, පුපුරා නොගිය පුපුරණ ද්‍රව්‍ය ඉවත් කිරීම මේ දිනවල කඩිනමින් සිදුවන බව වාර්තා වේ.
යාන්ත්‍රිකව හා මානුෂීය ශ්‍රමය යොදාගනිමින් වර්ග කිලෝමීටර් 1113ක භූමි ප්‍රදේශයක බිම් බෝම්බ මේ වන විට ඉවත් කර ඇති බව රජය පවසයි. බිම්බෝම්බ ඉවත් කිරීමේ යන්ත්‍ර 29 ක් ශ්‍රී ලංකා යුද හමුදාව වෙත ලබාදී ඇති අතර හමුදා නිලධාරීන් 1050 ක් සේවයේ යොදවා ඇත.
යන්ත්‍රවලට ළඟා විය නොහැකි ස්ථාන වෙත ළඟා වීම සඳහා පුහුණු කළ සුනඛයින් 8 දෙනෙකුගේ ද සහය ලබාගෙන ඇති බව සඳහන්ය. මීට අමතරව විදේශීය ආයතන කිහිපයක් ද මෙම කටයුතු සඳහා සහය ලබාදී ඇති බව රජය පවසයි.adaderana
0 comments:
Post a Comment