Cricket

ආණ්ඩුවේ චණ්ඩි පාට්වල හුළං බහී: යුරෝපා කොමිසම zෂේප්Z කරගන්න ලේකම්වරු බ්‍රසල්ස් යති

ජාත්‍යන්තරය හා පැන නැගී ඇති ගැටළු යුරෝපා කොමිසම හා සාකච්ඡා කර ඔවුන් හා සුහද වීම සඳහා ජ්‍යෙෂ්ඨ අමාත්‍යංශ ලේකම්වරුන් සිව් දෙනෙක් ලබන සඳුදා බ්‍රසල්ස් නුවර බලා පිටත්ව යති.
මුදල් අමාත්‍යංශයේ ලේකම් ආචාර්යය පී.බී. ජයසුන්දර, විදේශ කටයුතු අමාත්‍යාංශ ලේකම් රොමේෂ් ජයසිංහ, අධිකරණ අමාත්‍යංශ ලේකම්, සුහද ගම්ලත් හා නීතිපති මොහාන් පීරිස් යන මහත්වරු එම විශේෂ දූත පිරිතට අයත් වෙති.
අද පැවැති කැබිනට් තීරණ දැනුම් දීමේ මාධ්‍ය හමුවේදී අමාත්‍ය ජී.එල්. පීරිස් මහතා මේ බව හෙළි කරමින් පැවැසුවේ තමන් සද්භාවයෙන් ජාත්‍යන්තර ප්‍රජාව හා සුහද වීමට උත්සාහ කිරීමේදී එවැනිම ප්‍රතිචාරයක් ඔවුන්ගෙන්ද බලාපොරොත්තු වන බවයි.
ජාත්‍යන්තර බලවේග ශ්‍රී ලංකාවට එරෙහිව ද්වේශ සහගතව සිදුකරන මෙම කි්‍රයාවන් සඳහා අවශ්‍ය උපකාර රාජ්‍ය නොවන සංවිධාන හරහා සිදු කෙරෙන බවත්, එම රාජ්‍ය නොවන සංවිධාන සඳහා ලැඛෙන විශාල මුදල් ප්‍රමාණයන් කුමන කරුණක් සඳහා ලැඛෙනවාද, එවාහි වියදම් කවරේද? යන්න ගැන විනිවිද භාවයක් තිබිය යුතු යැයි ද ඇමැතිවරයා වැඩිදුරටත් පැවැසුවේය. එම සංවිධාන සඳහා ලැඛෙන එවැනි අතිවිශාල මුදල් වෙනත් දේශපාලන අරමුණු සඳහා උපයෝගී කර ගනු ලබනවාද යන්න වැඩි දුරටත් සොයා බැලිය යුතු යැයිද ඇමැතිවරයා පැවැසීය.lankae

සීමා මායිම් සන්නද්ධ කණ්ඩායමක් සමඟ නාවලපිටියේ zමැර ගමගේZ යකා නටයි

ආණ්ඩුවේ කටකාර ඇමැතිවරයකු වන මහින්දානන්ද අලූත්ගමගේ මහතා ඔහු නියෝජනය කරන නාවලපිටිය ආසනයට විපක‍ෂයේ පමණක් නොව ආණ්ඩු පක‍ෂයේ අපේක‍ෂකයිනට ද මැතිවරණ ප්‍රචාරක කටයුතුවල යෙදීමට ඉඩ නොදෙමින් මැර දේශපාලනයක යෙදී සිටින බවට ප්‍රජාතන්ත්‍රවාදී ජාතික පෙරමුණේ නායක මනෝ ගනේෂන් මහතා චෝදනාවක් කරයි.
ඔහු පවසන්නේ මහින්දානන්ද අලූත්ගමගේ ඇමැතිවරයා ශ්‍රී ලංකාව තුළ zzමායිම් ආණ්ඩුවක්ZZ මැර බලයෙන් පවත්වා ගෙන යන බවයි.
මේ රටේ ඛෙදුම්වාදය අවසන් කළ බව ආණ්ඩුව ප්‍රකාශ කළත් වෙනත් ආකාරයකට ඛෙදුම්වාදය නිර්මාණය වී නාවලපිටියේ වෙනම රාජ්‍යයක් ලෙස මැරබලය යොදාගනිමින් මහින්දානන්ද අලූත්ගමගේ ඇමැතිවරයා ගෙනයන ක්‍රියාකලාපය හෙළා දුටු මනෝ ගනේෂන් මහතා හදිසි නීතිය දීර්ඝ කිරීමේ යෝජනාව පිළිබඳව පාර්ලිමේන්තුවේ ඊයේ පැවැති විවාදයට සහභාගි වෙමින් මේ පිළිබඳ කරුණු දැක්වීමක්ද කළේය.
මනෝ ගනේෂන් මහතා zලංකා ඊ නිව්ස්Z වෙත පැවැසුවේ මහනුවර දිස්ත්‍රික්කයේ ලියාපදිංචි දෙමළ ඡන්ද 90,000 ක් තිඛෙන බවයි. මෙයින් වැඩිම ඡන්ද ප්‍රමාණයක් එනම් 16,000 ක් ලියාපදිංචි වී තිඛෙන්නේ නාවලපිටිය ආසනයේයි. එම ආසනයට යාබද ගම්පොල ආසනයේ ලියාපදිංචි ඡන්ද 14,000 ක් පමණ ඇත. මෙය මහනුවර දිස්ත්‍රික්කයේ ලියාපදිංචි සමස්ත දෙමළ ඡන්ද සංඛ්‍යාවෙන් තුනෙන් එකකි.

මනෝගනේෂන් මහතා පාර්ලිමේන්තුවේදී සඳහන් කළේ මේ ඡන්ද වතුකම්කරු ඡන්ද බවත් ඔවුනට වෙනත් අපේක‍ෂකයිනට ඡන්දය නොදෙන ලෙසට තර්ජනය කරමින් ඡන්ද ප්‍රචාරක කටයුතු හා වතුකරයේ ද්‍රවිඩ ඡන්ද ජනතාව හමුවීමට එම දිස්ත්‍රික්කයෙන් තරඟ කරන දෙමළ අපේක‍ෂකයිනට නාවලපිටියට ඇතුල්වීමට අලූත්ගමගේ මහතාගේ මැරයන් ඉඩ නොදෙන බවත් එසේම එජාපෙ අපේක‍ෂකයිනටත් ආණ්ඩු පක‍ෂයේ සරත් අමුණුගම, කෙහෙළිය රඹුක්වැල්ල සහ එස්.බී. දිසානායක මහත්වරුනටත් නාවලපිටියේ ඡන්ද කටයුතු සඳහා ඇතුල්වීමට ඉඩ නොදෙන බවත්ය.
ගම්පොළ, නුවරඑළිය පාරේ නාවලපිටියට ඇතුළුවන ස්ථානයේ රටවල් දෙකක සීමා මායිම් ආරක‍ෂාවට සන්නද්ධ හමුදා යොදා ඇති ආකාරයට වාහන 2 ක් සමඟ සන්නද්ධ මැර කණ්ඩායමක් නතර කොට තිඛෙන බවත් කිසියම් හෝ අපේක‍ෂකයකු එම මායිම පසු කර ගියහොත් පහරදී පන්නා දමන බවත් මනෝගනේෂන් මහතා පාර්ලිමේන්තුවේදී ප්‍රකාශ කළේය.
ප්‍රචණ්ඩත්වයකින් තොරව සාමකාමී සාධාරණ මැතිවරණයක් පවත්වන්නට ආණ්ඩු පක‍ෂයේ අපේක‍ෂකයින් පොරොන්දු කරවා ගන්නට ජනාධිපතිවරයා ගත් ක්‍රියාමාර්ගය සිහිපත් කළ එA මහතා අගමැතිවරයා නියෝජනය කරන කළුතර දිස්ත්‍රික්කයත් එජනිස මහලේකම් සුසිල් ප්‍රේම්ජයන්ත මහතා තරඟ කරන කොළඹ දිස්ත්‍රික්කයේත් ශ්‍රීලනිප මහලේකම් මෛත්‍රීපාල සිරිසේන මහතා තරඟ කරන පොළොන්නරුව දිස්ත්‍රික්කයේ සහ බැසිල් රාජපක‍ෂ මහතා කණ්ඩායම් නායකයා ලෙස තරඟ කරන ගම්පහ දිස්ත්‍රික්කයේත් විපක‍ෂයට තහනම් කලාප ක්‍රියාත්මක නොවන බවත් එහෙත් ඉතා සැලැසුම් සහගතව විපක‍ෂයට තහනම් කලාපයක් මහින්දානන්ද අලූත්ගමගේ මහතා පවත්වා ගෙන යන බවත් පැවැසුවේය.
තමා ලබන සතියේ තම මැතිවරණ ප්‍රචාරක කටයුතු සඳහා නාවලපිටිය යන බව පාර්ලිමේන්තුවට දැනුම්දුන් එA මහතා යම් හෙයකින් තමාට හෝ තමා ආධාර කරුවනට හෝ ජීවිත අනතුරක් සිදුවුවහොත් එහි වගකීම මහින්දානන්ද අලූත්ගමගේ මහතා බාරගත යුතු බව කීවේය.

හදිසිනීතිය සම්මත කරගැනීම සඳහා ඡන්ද විමසන අවස්ථාවේ සිය අසුනින් නැගිට පාර්ලිමේන්තු සභා ගර්භය මැදට පැමිණි මනෝගනේෂන් මහතා පහත සඳහන් පාඨය ඇතුලත් පුවරුවක් ප්‍රදර්ශනය කළේය.
zzගරු අගමැති තුමනි, මහනුවර දිස්ත්‍රික්කයේ නාවලපිටිය ආසනයේ සිදුවන මැර ගමගේ දේශපාලනය අවසන් කර ප්‍රජාතන්ත්‍රවාදී මැතිවරණය තහවුරු කරන්නZZ. lanake

ජනාධිපතිගේ නියෝජිතයා නම් කරයි

පසුගිය ජනාධිපතිවරණයේ ප්‍රතිඵල අවලංගු කරන ලෙස ඉල්ලා ගොනු කර තිබූ පෙත්සමේ ප්‍රධාන වගඋත්තකරු ලෙස නම් කර ඇති ජනාධිපති මහින්ද රාජපක්ෂ මහතා වෙනුවෙන් පෙනී සිටින නියෝජිතයා නම් කර ති‍බේ.
ඒ අනුව ජනාධිපතිවරයා වෙනුවෙන් පෙනී සිටින ‍නීතීඥයින් ශ්‍රේෂ්ඨාධිකරණයට දැනුම් දී ඇත්තේ නීතීඥ අතුල පෙරේරා මහතා ජනාධිපතිවරයා වෙනුවෙන් පෙනී සිටින නියෝජිතයා ලෙස නම් කරන බවයි.
මේ බව තහවුරු කෙරෙන මෝසමක් එම නීතීඥවරු පිරිස ශ්‍රේෂ්ඨාධිකරණය හමුවේ ගොනු කර තිබේ.
ජනාධිපතිවරණයේ දී දූෂණ සහ අක්‍රමිකතා සිදුවූ බැවින් එහි ප්‍රතිඵලය අවලංගු කරන ලෙස ඉල්ලා ජෙනරාල් සරත් ෆොන්සේකා මහතා අදාළ පෙත්සම ගොනු කර තිබුණි. ada

ප්‍රතිපත්ති ගරුක දේශපාලනයක් ඕනෑ

මෙරටට අවශ්‍ය වන්නේ පෞද්ගලික දේශපාලනයක් නොව ප්‍රතිපත්තිගරුක දේශපාලනයක් බව අධිකරණ හා නීති ප්‍රතිසංස්කරණ අමාත්‍ය මිලින්ද මොරගොඩ මහතා පවසයි.
අමාත්‍යවරයා පෙන්වා දෙන්නේ මෙරට ගැටලු රැසකට හේතුව දේශපාලඥයින් ප්‍රතිපත්තිගරුක දේශපාලනයෙන් ඈත්වීම බවයි.
ප්‍රතිපත්ති මත පදනම් වූ දේශපාලනය ලෝක ප්‍රවණතාව බව ද බත්තරමුල්ල, සිංහපුර ප්‍රදේශයේ පැවති ජනහමුවකට එක්වෙමින් මොරගොඩ මහතා සඳහන් කළේය.
එහිදී අමාත්‍යවරයා ඉල්ලා සිටියේ පටු අරමුණුවලින් ඉවත් වී ප්‍රතිපත්තිගරුක දේශපාලනයේ නිරත වීමට කටයුතු කරන ලෙසයි. ada

රැඳවුම් කඳවුරු වලට එරෙහි වූ පෙත්සම ඉවතට

ආරක්ෂක අමාත්‍යාංශය විසින් රැඳවුම් කඳවුරු 6 ක් ප්‍රකාශයට පත්කරමින් නිකුත් කර තිබූ ගැසට් නිවේදනය අවලංගු කරන ලෙස ඉල්ලා ‍ශ්‍රේෂ්ඨාධිකරණයට ඉදිරිපත් කර තිබූ පෙත්සමක් අද ප්‍රතික්ෂේප කෙරුණි.
ඒ පැමිණිලි පාර්ශවය අදාළ පෙත්සම ඉල්ලා අස්කරගැනීමට එකඟවීම හේතුවෙනි. පයාගල ප්‍රදේශයේ කාන්තාවක විසින් පෙත්සම ඉදිරිපත් කර තිබූ අතර එහි වගඋත්තකරුවන් ලෙස නම් කර තිබුණේ පොලිස්පතිවරයා ඇතුළු පිරිසකි.
පොලිස් අත්අඩංගුවට ගන්නා සැකකරුවන් හමුදාව විසින් පාලනය කරනු ලබන යෝජිත කඳවුරුවල රඳවා තබා ගැනීම මූලික අයිතිවාසිකම්වලට පටහැනි බව පෙත්සමෙන් පෙන්වා දී තිබුණි.
පෙත්සම කැඳවූ අවස්ථාවේ දී රජයේ නීතීඥවරයා අධිකරණයට දන්වා සිටියේ අදාළ කඳවුරු හමුදාවට අයත් වුව ද ඒවායේ රඳවා තබන සැකකරුවන් පාලනය සම්පූර්ණයෙන්ම පොලිස්පතිවරයා යටතේ සිදුවන බවයි. එය පිළිගත් පැමිණිලි පාර්ශවය පෙත්සම ඉල්ලා අස්කරගැනීමට එකඟ වී තිබේ. ada

රාජ්‍ය මාධ්‍යයේ අසීරුව කොමසාරිස්ට දන්වයි

ඉදිරි මහ මැතිවරණයේ ප්‍රචාරක කටයුතුවලදී රාජ්‍ය මාධ්‍ය ආයතන වෙන්කරන ගුවන් කාලය ලබාදීම සම්බන්ධයෙන් මේ වන විට ගැටලුවක් මතු වී තිබේ.
මැතිවරණ පනතට අනුව මැතිවරණය සඳහා තරග කරන දේශපාලන පක්ෂ සහ ස්වාධීන කණ්ඩායම්වලට රාජ්‍ය මාධ්‍ය ආයතන මගින් නිශ්චිත ගුවන්කාලයක් හිමිවේ.
නමුත් රූපවාහිනී සංස්ථා සහ ගුවන් විදුලි සංස්ථා පාලන අධිකාරීන් මගින් මැතිවරණ ‍කොමසාරිස්වරයාට දැනුම් දී ඇත්තේ මෙවර එම කර්තව්‍යය ඉටුකිරීම ප්‍රායෝගිකව දුෂ්කර වී ඇති බවයි. පනතට අනුව එක් කණ්ඩායමකට හිමිවන ගුවන් කාලය විනාඩි 15 කි.
මෙවර මැතිවරණය සඳහා ‍පිළිගත් දේශපාලන පක්ෂ 36 ක් සහ ස්වාධීන කණ්ඩායම් 301 ක් තරග වදින බැවින් එම කණ්ඩායම් සඳහා ගුවන් කාලය වෙන් කිරීම තුළින් අදාළ ආයතනවල සාමාන්‍ය වැඩසටහන් පවත්වාගෙන යාම දුෂ්කර වී ඇති බව එම ආයතන මගින් දැනුම් දී තිබේ.
මේ හේතුවෙන් ඒ සඳහා විසඳුමක් ලබාදෙන ලෙස රාජ්‍ය මාධ්‍ය ආයතන මැතිවරණ කොමසාරිස්වරයාගෙන් ඉල්ලා ඇත. ada

විපක්ෂයක් නැති මැතිවරණයක් ඇවිත්

විපක්ෂයක් නැතිව පවත්වන මහ මැතිවරණයක් එළඹ ඇති බවත් ආණ්ඩු පක්ෂය මේ වන විටත් ජයග්‍රහණය ලබා ඇති බවත් ශ්‍රීලංකා නිදහස් පක්ෂ මහලේකම් ඇමති මෛත්‍රීපාල සිරිසේන මහතා පවසයි.
ඉතිහාසයේ නොවූ විරූ අයුරින් එක්සත් ජාතික පක්ෂය දැවැන්ත සෝදාපාළුවට ලක්ව ඇතැයිද හෙතෙම කියා සිටියේ අද පැවති මාධ්‍ය හමුවකදීය.
එ.ජා.ප මහ ලේකම්වරයාට පවා අද මැතිවරණයට තරඟ කරන්නට තරම්වත් ශක්තියක් නොමැති බවත් ඔහු කියා සිටියේය.
රනිල් වික්‍රමසිංහ මහතා මේ වන විටත් තමන් මහ මැතිවරණයෙන් පරාජයට පත්ව ඇති බව පිළිගෙන ඇති බව ඔහු කරන ප්‍රකාශ වලින්ම පැහැදිලි වන බව පෙන්වා දුන් ඇමතිවරයා මේ වන විට ඔහු ජනතාවගෙන් ඉල්ලන්නේ 2/3 ක් දෙන්න එපා කියන කාරණය පමණක් බව ද පැවසීය. ada

හකීම්ගේ ආරක්ෂාවට නිලධාරීන් 5 ක් ඕනෑ

ශ්‍රී ලංකා මුස්ලිම් කොංග්‍රසයේ නායක රවුෆ් හකීම් මහතාගේ ආරක්ෂාව සඳහා පොලිස් නිලධාරීන් සිව්දෙනෙකු ලබාදීමට කටයුතු කර ඇතැයි නීතිපතිවරයා ශ්‍රේෂ්ඨාධිකරණයට දැනුම් දී තිබේ.
නීතිපතිවරයා මෙම දැනුම් දීම සිදුකළේ, තම ආරක්ෂාව ඉවත් කළ බවට‍ චෝදනා කරමින් රවුෆ් හකීම් මහතා විසින් ගොනු කර තිබූ මූලික අයිතිවාසිකම් පෙත්සම අද විභාගයට ගත් අවස්ථාවේ දීය.
මෙහිදී රජයේ නීතීඥවරිය කියා සිටියේ හකීම් මහතාගේ ආරක්ෂාවට උපපොලිස් පරීක්ෂකවරයෙකු, ‍පොලිස් සැරයන්වරුන් දෙදෙනෙකු සහ පොලිස් කොස්තාපල්වරයෙකු ලබාදීමට කටයුතු කර ඇති බවයි.
එහෙත් තම සේවාදායකයාගේ ආරක්ෂාව සඳහා අවම වශයෙන් නිලධාරීන් පස්දෙනෙකුවත් අවශ්‍ය බව පෙත්සම්කාර පාර්ශවයේ නීතීඥවරු එහිදී කියා සිටියහ.ඒ අනුව පෙත්සම ලබන 25 වැනිදා යළි කැඳවීමට නියම කළ අධිකරණය, නිලධාරීන් පස්දෙනෙකු ලබාදීමට ඇති හැකියාව සම්බන්ධයෙන් එදිනට වාර්තා කරන ලෙස පොලිස්පතිවරයාට නියෝග කරන ලදී. ada

හිටපු එල්.ටී.ටී.ඊ සැකකරුවන්ට ස්වයං රැකියා

එල්.ටී.ටී.ඊ. සංවිධානයේ හිටපු සාමාජිකයින් පිරිසකට ස්වයං රැකියා ආරම්භ කිරීම සඳහා උපකරණ තොගයක් බෙදා දී තිබේ.
නැඟෙනහිර පළාතේ ක්‍රියාකාරීව සිටි එල්.ටී.ටී.ඊ සාමාජිකයින් 550 දෙනෙකුට අමෙරිකානු ආධාර මත ‍මෙම උපකරණ බෙදා දී ඇති බව සඳහන් වේ.
කෘෂිකර්මාන්තය සහ ධීවර කටයුතු සඳහා අවශ්‍ය ආම්පන්න තොගයක් මේ යටතේ බෙදා දී ඇත. එල්.ටී.ටී.ඊ සාමාජිකයින් යළි සමාජගත කිරීමේ වැඩපිළිවෙළෙහි පියවරක් ලෙස මෙය ක්‍රියාත්මක වේ.
එල්.ටී.ටී.ඊ ය සහ ටී.එම්.වී.පී යට අනුබද්ධව කටයුතු කළ සන්නද්ධ සාමාජිකයින් දහසක් නැවත සමාජගත කිරීමේ වැඩපිළිවෙළක් ද සංක්‍රමණිකයින් පිළිබඳ ජාත්‍යන්තර සංවිධානයේ දායකත්වය ඇතිව ක්‍රියාත්මක කෙරේ. ada

සුළං විදුලි බලාගාර දෙකක්

මෙගා වොට් 30 ක ධාරිතාවකින් යුත් සුළං විදුලි බලාගාර දෙකක් ස්ථාපිත කිරීමට විදුලිබල හා බලශක්ති අමාත්‍යාංශය පියවරගෙන තිබේ.
එම අමාත්‍යාංශය පවසන පරිදි මාම්පුරි හා කල්පිටිය ප්‍රදේශවල මෙම බලාගාර ස්ථාපිත කෙරේ. දැනටමත් කල්පිටිය ප්‍රදේශයේ ස්ථාපති සුළං විදුලි බලාගාරයේ ඉදිරිකිරීම් කටයුතු අවසන් වෙමින් පවතින අතර එමගින් ජාතික විදුලි බල පද්ධතියට මෙගා වොට් 10 ක විදුලි ධාරිතාවක් සැපයීමට නියමිතය.
මාම්පුරි බලාගාරයේ ඉදිකිරීම් ඉදිරි මාස 6 ක කාලය තුළ නිම කිරීමට බලාපොරොත්තු වන බව විදුලි බල හා බලශක්ති අමාත්‍යාංශය පවසයි. එමගින් ජාතික විදුලිබල පද්ධතියට එක්කෙරෙන විදුලි ධාරිතාව මෙගා වොට් 20 කි. ada

කුඩුත් එක්ක බඩු මාට්ටු

හෙරොයින් තොගයක් ළඟ තබාගෙන සිටි සැකකරුවෙකු කඳාන පොලිසිය මගින් අත්අඩංගුව‍ට ගෙන තිබේ..
පොලිස් මාධ්‍ය ප්‍රකාශක පොලිස් අධිකාරි ප්‍රිශාන්ත ජයකොඩි මහතා පවසන පරිදි අත්අඩංගුවට පත්වන අවස්ථාවේ මොහු ළඟ තිබී හොරොයින් ග්‍රෑම් එකයි මිලි ග්‍රෑම් 330 ක් බැගින් වු පැකට් 103 ක් සොයාගෙන ඇත.
කඳාන කුඩුවත්ත ප්‍රදේශයේදී මෙම පුද්ගලයා අත්අඩංගුවට ගෙන ඇති බව සඳහන් වේ.
අදාල සැකකරු අද අධිකරණයට ඉදිරිපත් කරන බව පොලිස් මාධ්‍ය ප්‍රකාශකවරයා කියා සිටියේය. ada

මැතිවරණ කාර්යාල බහුතරයක් නීති විරෝධියි

ඉදිරි මහ මැතිවරණය ඉලක්ක කර ගනිමින් දැනට පිහිටුවා ඇති දේශපාලන පක්ෂ කාර්යාල බහුතරයක් ලියාපදිංචි නොවු ඒවා බව පැෆ්රල් සංවිධානය පවසයි.
එම සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පවසන පරිදි පසුගිය දින දෙක තුළ සිදුකළ විශේෂ නීරීක්ෂණයකදී මේ පිළිබඳ අනාවරණය වී ඇත.
ගාල්ල , මාතර හා හම්බන්තොට දිස්ත්‍රික්වල මෙම විශේෂ නීරීක්ෂණය සිදුකළ බව හෙට්ටිආරච්චි මහතා පවසයි. ඒ අනුව පොලිසියේ සහ සහකාර මැතිවරණ කොමසාරිස්වරුන්ගේ අවසරය සහිත වු මැතිවරණ මෙහෙයුම් කාර්යාල 15 ක් පමණක් එම දිස්ත්‍රික් තුනෙන් වාර්තා වු බව හෙට්ටිආරච්චි මහතා පෙන්වා දෙයි.
කෙසේ වෙතත් ඔහු පවසන්නේ නගරවල නීති විරෝධි ලෙස පක්ෂ කාර්යාල කිහිපය බැගින් පිහිටුවා ගැනීමට ඇතැම් අපේක්ෂකයින් කටයුතු කර ඇති බවයි. ada