අයුතු සහගත ලෙස තම විහාරස්ථානය පරීක්ෂා කිරීම තුළින් සිය මූලික අයිතිවාසිකම් කඩ වූ බව පවසමින් නුගේගොඩ නාලන්දාරාමාධිපති පූජ්‍ය තිනියාවල පාලිත හිමියන් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර තිබේ.
පෙත්සමෙන් වගඋත්තරකරුවන් ලෙස නම් කර ඇත්තේ මිරිහාන පොලිසියේ ස්ථානාධිපතිවරයා, පොලිස්පතිවරයා සහ නීතිපතිවරයා ඇතුළු පිරිසකි.
ව්‍යාජ තො‍රතුරු ගංගොඩවිල මහේස්ත්‍රාත් අධිකරණයට ඉදිරිපත් කරමින් අධිකරණය නොමග යවා සෝදිසි වරෙන්තුවක් ලබාගෙන මිරිහාන පොලිසිය විසින් තම විහාරස්ථානය පරීක්ෂාවට ලක් කළ බව පෙත්සමෙන් කියා සිටියි.
එම පරීක්ෂාවේ දී කිසිදු සැකකටයුතු දෙයක් හමු නොවූ බව පවසන පෙත්සම්කාර හිමියන් සඳහන් කරන්නේ මෙමගින් තම කීර්තියට හානියක් සිදුවූ බවයි. එම ක්‍රියාව මගින් තම මූලික අයිතිවාසිමක් කඩවුනු බවට ප්‍රකාශයක් සිදුකරන ලෙස එම පෙත්සමෙන් වැඩිදුරටත් ඉල්ලා තිබේ.adaderana
