මැතිවරණ සමයේ ගැටුම් ඇතිකරගන්නා අපේක්ෂකයින්ට මැතිවරණයෙන් පසු කිසිදු තනතුරක් ලබා‍නොදීමට ජනාධිපතිවරයා තීරණය කර ඇතැයි ශ්‍රී ලංකා නිදහස් පක්ෂයේ මහලේකම් අමාත්‍ය මෛත්‍රීපාල සිරිසේන මහතා පවසයි.
අමාත්‍යවරයා පෙන්වා දෙන්නේ ගැටුම් ඇතිකරගන්නා එවැනි අපේක්ෂකයින්ගේ තරාතිරම නොබලා විනය ක්‍රියාමාර්ග ගන්නා ලෙසද ජනාධිපතිවරයා දැනුම් දී ඇත.
ඒ අනුව මේ සම්බන්ධයෙන් සන්ධානයේ සියලු අපේක්ෂකයින් දැනුවත් කර ඇති බව මෛත්‍රීපාල සිරිසේන මහතා පවසයි. අමාත්‍යවරයා මේ අදහස් පළ කළේ අද කොළඹ පැවති මාධ්‍ය හමුවකට එක්වෙමිනි.
ජනාධිපතිවරණයේදී එක් ප්‍රතිපත්ති ප්‍රකාශනයක් වෙනුවෙන් පෙනී සිටි ජ.වි.පෙ සහ යූ.ඇන්.පීයේ එකී ප්‍රතිපත්ති ප්‍රකාශනය දෙකඩ වී වෙන වෙනම ප්‍රතිපත්ති ප්‍රකාශන දෙකක් මේ වන විට එළිදක්වා ඇතත් ඒවා මහින්ද චින්තනයේ කොපි බවද ඇමතිවරයා කියා සිටියේය.
78 ආණ්ඩුක්‍රම ව්‍යවස්ථාව සෑදුව උදවියටම අද එය එපා වී තිබීම සතුටට කරුණක් බවත්,එළඹෙන ආණ්ඩුවේදී නියත වශයෙන්ම එය අහෝසි කරන්නට 2/3 ක බලයක් ලැබිය යුතු බවත් හෙතෙම කියා සිටියේය.ada
0 comments:
Post a Comment