රජය පෙරළීමට කුමන්ත්‍රණය කළේ යැයි අත්අඩංගුවට ගෙන සිටින ජෙනරාල් සරත් ෆොන්සේකා මහතාගේ ආධාරකරුවන් වන විශ්‍රාම ගිය හමුදා නිලධාරීන් තිදෙනෙකු නිදහස් කිරීමට තීරණය කර ඇතැයි නීතිපතිවරයා ශ්‍රේෂ්ඨාධිකරණයට දැනුම් දී තිබේ.
නීතිපතිවරයා මෙම දැනුම් දීම සිදුකළේ අදාළ නිලධාරීන් විසින් ඉදිරිපත් කර තිබූ මූලික අයිතිවාසිකම් පෙත්සමක් අද කැඳවූ අවස්ථාවේදීය.
එහිදී රජයේ නීතිඥවරයා කියා සිටියේ අදාළ නිලධාරීන් තිදෙනා කොළඹ මහේස්ත්‍රාත් අධිකරණයට ඉදිරිපත් කර නිදහස් කිරීමට අපරාධ පරීක්ෂණ දෙපාර්තමේන්තුවට උපදෙස් දී ඇති බවයි.
ඒ අනුව අදාළ පෙත්සම මැයි මස 13 වැනි දින යළි කැඳවීමට අගවිනිසුරු අශෝක ද සිල්වා මහතා ප්‍රමුඛ ත්‍රිපුද්ගල විනිසුරු මඩුල්ල නියෝග කරන ලදී. adaderana
0 comments:
Post a Comment