මුරලි ලෝක කුසලාන වැඩිම කඩුලු ලැබූවන්ගෙන් දෙවන තැනට February 26, 2011 08:10 pm

ලෝක කුසලාන ක්‍රිකට් තරග වලදී වැඩිම කඩුලු සංඛ්‍යාවක් ලබාගත් දෙවන පන්දු යවන්නා ලෙස වාර්තාවකට හිමිකම්කීමට අද(26) ශ්‍රී ලංකා කණ්ඩායමේ සුපිරි දඟ පන්දු ක්‍රීඩක මුත්තයියා මුරලිදරන් සමත්විය.

‍ ඒ පකිස්ථාන කණ්ඩායම සමග කොළඹ, ආර්. ප්‍රේමදාස ක්‍රීඩාංගණයේ පැවැත්වෙන ලෝක කුසලාන තරගයේදී 56 වන කඩුල්ල ලබාගැනීමත් සමගය.

‍ මීට පෙර එම ස්ථානයේ රැඳී සිටියේ කඩුලු 55 ක් ලබාගෙන සිටි පකිස්ථාන ක්‍රීඩක වසීම් අක්‍රම්ය.

‍ හිටපු ඕස්ට්‍රේලියානු ක්‍රීඩක ග්ලේන් මැග්‍රාත් කඩුලු 71 ක් ලබාගනිමින් ලෝක කුසලාන ක්‍රිකට් තරග වලදී වැඩිම කඩුලු සංඛ්‍යාවක් ලබාගත් ක්‍රීඩකයාට හිමි වාර්තාව උසුලයි