මාර්තු 01, 03 මීගමුව ප්‍රදේශ කිහිපයකට වතුර නෑ

ජල සම්පාදන ක්‍රමයේ අත්‍යවශ්‍ය වැඩි දියුණු කිරීමේ කටයුත්තක් වෙනුවෙන් මාර්තු මස 01 සහ 03 යන දෙදින තුළ මීගමුව නගරයේ ප්‍රදේශ කිහිපයක ජල සැපයුම අත්හිටුවන ජල සම්පාදන හා ජල පවාහන මණ්ඩලය පවසයි.

මීගමුන නගර සභා බල ප්‍රදේශය, දූව පිටිපන, කටුනායක ආයෝජන කලාපය සහ කටුනායක ගුවන් හමුදාව යන ප්‍රදේශ වලට මෙසේ ජල සැපයුම අත්හිටුවනු ඇත.

ඒ අනුව එම දෙදින තුළ පෙරවරු 8 සිට පස්වරු 6 දක්වා ජල සැපයුම අත්හිටුවන බව ජල සම්පාදන හා ජල පවාහන මණ්ඩලය සඳහන් කරයි.

එමනිසා ජලය ඉතා අරපිරිමැස්මෙන් යුතුව පරිභෝජනය කරන ලෙස එම මණ්ඩලය ජනතාව වෙත වැඩිදුරටත් දැනුම් දෙයි.