රාජ්‍ය කළමනාකරණ සහකාර සේවයට පත්වීම් 3389 ක්February 27, 2011 10:44 am

රාජ්‍ය කළමනාකරණ සහකාර‍ සේවයේ තුන් වන පන්තියේ නව පත්වීම් 3389 ක් ලබා දීමට රජය තීරණය කර තිබේ.

විභාග දෙපාර්තමේන්තුව විසින් 2009 වසරේ පවත්වන ලද විභාගයේ ප්‍රතිඵල මත මෙම පත්වීම් ලබා දෙන බව රාජ්‍ය පර්පාලන හා ස්වදේශන කටයුතු අමාත්‍යාංශය ප්‍රකාශ කරයි.

එම අමාත්‍යාංශය පවසන්නේ ඊට අදාළ සම්මුඛ පරීක්ෂණ මේ වන විටත් පවත්වා අවසන් බවයි.

ගම්පහ දිස්ත්‍රික්කයට 376 දෙනෙකු , මහනුවර දිස්ත්‍රික්කයට 223 දෙනෙකු , ගාල්ල සහ රත්නපුර දිස්ත්‍රික්ක සඳහා 181 දෙනෙකු වන පරිදි දිවයිනේ සියලු දිස්ත්‍රික්ක ආවරණය වන ලෙස මෙම පත්වීම් ලබා දීමට නියමිතය.

මෙම නව පත්වීම් ලබන අප්‍රේල් වන විට ප්‍රදානය කිරීමට කටයුතු කරන බව රාජ්‍ය පරිපාලන හා ස්වදේශන කටයුතු අමාත්‍යාංශය වැඩිදුරටත් ප්‍රකාශ කරයි.