මෙවර ලෝක කුසලාන තරග දකුණු ආසියාවේදී

මෙවර ලෝක කුසලාන තරගාවලිය ශ්‍රී ලංකාව ප්‍රමුඛ දකුණු ආසියානු කලාපයේ පැවැත්වීමට නියමිතය.
ඒ සඳහා මේ වනවිටත් ශ්‍රී ලංකාවේ ක්‍රීඩාංගන නවීකරණය වෙමින් පවතී. හම්බන්තොට සහ පල්ලේකැලේ ක්‍රීඩාංගන වල ඉදිකිරීම් කටයුතු ඉතා හොඳින් සිදුවන බව අද පැවති මාධ්‍ය හමුවකදී අයි. සී. සී නිලධාරීන් විසින් සඳහන් කළේය. සියලුම ඉදිකිරීම් කටයුතු නියමිත දිනට අවසන් කරන බව එහිදී අදහස් දැක්වූ ශ්‍රී ලංකා ක්‍රිකට් සභාපති ඩී. එස්. ද සිල්වා මහතා පැවසීය.
එමෙන්ම ඛෙත්තාරාම ක්‍රීඩාංගනයේ පහසුකම් තවදුරටත් වැඩිදියුණු කරන බව ද ඒ මහතා කියාසිටියේය. අයි. සී. සී නිලධාරීන් ඊයේ දිනයේ හම්බන්තොට ක්‍රීඩාංගනයේ ඉදිකිරීම් පරීක්ෂා කිරීම සඳහා නිරීක්ෂණ චාරිකාවක ද නිරතවිය. එමෙන්ම ශ්‍රී ලංකාවට සමගාමීව ඉන්දියාවේ සහ බංග්ලාදේශයේ ක්‍රීඩාංගනවල තත්ත්වය ඉයළ මට්ටමක පවතින බව ද අයි. සී. සීය සඳහන් කළේය. adaderana