ධීවරයින් තිදෙනා කොල්ලකරුවන්ගෙන් මුදාගන්නවා

සෝමාලියානු මුහුදු කොල්ලකරුවන් භාරයේ සිටින ශ්‍රී ලාංකික ධීවරයින් තිදෙනා නිදහස් කර ගැනීම සඳහා කටයුතු කරන බව ධීවර අමාත්‍යාංශය පවසයි.

සෝමාලියානු මුහුදු කොල්ලකරුවන්ගේ භාරයේ පසුවන ශ්‍රී ලාංකික ධීවරයින් ‍ඊයේ පෙරවරුවේ වැලිගම ධීවර ‍මෙහෙයුම් මධ්‍යස්ථානය අමතා ඇති බව එම අමාත්‍යාංශය සඳහන් කරයි.

අදාළ ධීවරයින් තිදෙනා යහපත් සෞඛ්‍ය තත්ත්වයෙන් පසුවන බව ඔවුන් පවසා ඇති බව ධීවර අමාත්‍යාංශය පෙන්වාදෙයි.

ඔවුන් හැකි ඉක්මනින් නිදහස් කරන බවට ධීවර මෙහෙයුම් මධ්‍යස්ථානය ඇමතූ අවස්ථාවේ දී සෝමාලියානු මුහුදු කොල්ලකරුවන් විසින් ප්‍රකාශ කර ඇති බව ධීවර අමාත්‍යාංශය පවසයි.

කෙසේ වෙතත් කෙන්යාවේ නයිරෝබි හි පිහිටි ශ්‍රී ලංකා තානාපති කාර්යාලය හරහා ධීවරයින් මුදා ගැනීමට කටයුතු කරන බව ද එම අමාත්‍යාංශය වැඩිදුරටත් සඳහන් කරයි.
Viewer Comments