දිස්ත්‍රීක් 7 ට මනාපය දී අවසන්February 2, 2011 04:24 pm

ඉදිරි පළාත් පාලන මැතිවරණයේ දිස්ත්‍රික් 7 කට අදාළ මනාප අංක ලැයිස්තු මේ වන විට නිකුත් කර අවසන් බව මැතිවරණ මහලේකම් කාර්යාලය පවසයි.

ඒ අනුව මඩකළපුව, කෑගල්ල, නුවරඑළිය, ගාල්ල, මාතර, කොළඹ සහ මාතලේ යන දිස්ත්‍රික්කවලට අදාළ මනාප අංක ලැයිස්තු මෙසේ නිකුත් කළ බව නියෝජ්‍ය මැතිවරණ‍ කොමසාරිස් මහින්ද දේශප්‍රිය මහතා පවසයි.

ලබන 7 වැනිදා වන විට සෙසු දිස්ත්‍රික්කවලට අදාළ මනාප අංක ලැයිස්තු නිකුත් කිරීමට හැකිවනු ඇති බවට ඔහු විශ්වාසය පළ කළේය.

මෙවර පළාත් පාලන මැතිවරණයට අදාළව නාමයෝජනා 40,000 ක් පමණ ලැබී ඇති බැවින් ඒවා භාෂා 3 ට අදාළව අකාරාදී පිළිවෙළට සකස් කිරීමට යම් කාලයක් ගත වන බව ඔහු සඳහන් කළේය.

මනාප අංක සකස් කිරීමේ දී තාක්ෂණිකමය වශයෙන් ද යම් යම් බාධාවන් එල්ල වී ඇති බව දේශප්‍රිය මහතා තවදුරටත් ප්‍රකාශ කළේය