ඉතාලියේදී මිය ගිය ශ්‍රී ලාංකිකයා ගැන සොයයිFebruary 2, 2011 08:33 am

ඉතාලියේ දී මිය ගිය ශ්‍රී ලාංකිකයෙකු හඳුනා ගැනීම සඳහා විදේශ කටයුතු අමාත්‍යාංශය මහජන සහය පතයි.

පසුගිය වසරේ ඔක්තෝම්බර් මාසයේ දී ඉතාලියේ දී මොහු මිය ගොස් ඇති බවට‍ රෝමයේ පිහිටි ශ්‍රී ලංකා තානාපති කාර්යාලය දැනුම් දී ඇති බව විදේශ කටයුතු අමාත්‍යාංශය නිකුත් කළ නිවේදනයක සඳහන් වේ.

එහෙත් මෙම පුද්ගලයා හඳුනාගැනීමට මෙතෙක් නොහැකි වී ඇති බව ද සඳහන් වේ. කුමාර් රොෂාන් , කුමාර් රොෂාන් ඇන්තනි , රාජපතිරණ කුමාර් රොෂාන් ඇන්තනි ආදී නම් කිහිපයකින් මොහු හැඳින්වෙන බව විදේශ සේවා කටයුතු අමාත්‍යාංශය පවසයි.

1985 නොවැම්බර් මස 6 වැනිදා මොහු උපත ලබා ඇති බව ද වාර්තා වන බව අමාත්‍යංශය පෙන්වාදෙයි.

මොහු පිළිබඳ තොරතුරු දන්නා පුද්ගලයෙකු වෙත්නම් විදේශ කටයුතු අමාත්‍යාංශය වෙත දැනුම් දෙන ලෙස එම අමාත්‍යාංශය ජනතාවගෙන් ඉල්ලා සිටියි