ඇමති සැප රියේ හැපී කාන්තාවක් මරුටFebruary 2, 2011 09:27 pm

පශු සම්පත් අමාත්‍ය අරුමුගම් තොණ්ඩමාන් මහතාට අයත් මෝටර් රථයක හැපුණු කාන්තාවක් අද(02) පස්වරුවේ ජීවිතක්ෂයට පත්ව ති‍බේ.

තලවකැලේ හොලිරුඩ් ප්‍රදේශයේ පදිංචි 40 හැවිරිදි කාන්තාවක් තලවකැලේ නගරයේදී මෙම අනතුරට ලක්ව ඇති බව සඳහන් වේ.

අමාත්‍යවරයාට අයත් මෙම මෝටර් රථය ඒ මොහොතේ නුවරඑළිය සිට කොටගල දක්වා ධාවනය වෙමින් පැවතී ඇති බව අද දෙරණ වාර්තාකරු පවසයි.

කෙසේ වුවද අද ප.ව 4.00 ට පමණ මෝටර් රථයේ හැපුණු කාන්තාව බරපතල තුවාල ලබා ලිඳුල රෝහලටත්,වැඩිදුර ප්‍රතිකාර සඳහා එතැනින් නුවරඑළිය රෝහලටත් මාරු කර යවා තිබේ.

නුවරඑළිය රෝහලේ හදිසි අනතුරු ඒකකයේ ප්‍රතිකාර ලබමින් සිටියදී අදාළ කාන්තාව ජීවිතක්ෂයට පත්වූ බව රෝහල් අධ්‍යක්ෂවරයා අද දෙරණට කියා සිටියේය.