නේපාලයේ හිටපු අග්‍රාමාත්‍ය ගිරිජා ප්‍රසාද් කොයිරාළ මහතා ජීවිතක්ෂයට පත් වී තිබේ.
ඔහු අද උදෑසන කත්මණ්ඩු නුවර දී ජීවිතක්ෂයට පත් වී ඇති බව විදෙස් මාධ්‍ය වාර්තා කරයි. මිය යන විට 87 වන වියෙහි පසු වූ කොයිරාළ මහතා මීට දින ගණනාවකට පෙර රෝගාතුරව රෝහල් ගත කර තිබුණි. කොයිරාළ මහතා නේපාලයේ කොංග්‍රස් පක්ෂය නියෝජනය කරමින් පස් වතාවක් නේපාලයේ අග්‍රාමාත්‍යවරයා ලෙස කටයුතු කර තිබේ.
මාවෝවාදී කැරලිකරුවන් සමඟ එකඟතාවක් ඇති කර ගැනීම මෙන්ම රාජාණ්ඩුවක්ව තිබූ නේපාලය ප්‍රජාතන්ත්‍රවාදී ප්‍රවාහය කරා ගෙන ඒමේ මූලිකයා ලෙස කටයුතු කලේ ද කොයිරාළ මහතාය. මේ වන විට මියගිය නේපාලයේ හිටපු අග්‍රාමාත්‍ය ගිරිජා ප්‍රසාද් කොයිරාළ මහතාගේ දේහය කත්මණ්ඩු නුවර පිහිටි ඔහුගේ දියණියගේ නිවසේ තබා ඇති බව විදෙස් මාධ්‍ය වාර්තා කරයි.adaderana
0 comments:
Post a Comment