මෙවර පාර්ලිමේන්තු මැතිවරණයේ ඡන්ද ගණන් කිරීමේ මධ්‍යස්ථාන වල නිරීක්ෂණ කටයුතු සඳහා මේ වන තෙක් තමන්ට මැතිවරණ කොමසාරිස්වරයා අවසර ලබා දී නොමැති බව පැෆ්රල් සංවිධානය පවසයි.
ඡන්ද ගණන් කිරී‍ෙම් මධ්‍යස්ථාන වල නිරීක්ෂණ කටයුතු සඳහා ඉල්ලීම් කර ඇති බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා ප්‍රකාශ කළේය. එහෙත් මේ වනතෙක් ඒ සඳහා මැතිවරණ කොමසාරිස්වරයාගේ සෘජු පිළිතුරක් නොලැ‍බුණු බව ඒ මහතා සඳහන් කළේය. ඉදිරි දින කිහිපය ඇතුළත ඒ සඳහා අවසරය ලැබෙතැයි බලාපොරොත්තු වන බව ද ඔහු අවධාරණය කළේය.
පසුගිය ජනාධිපතිවරණයේ දී ඡන්ද ගණන් කිරීමේ මධ්‍යස්ථාන වල අක්‍රමිකතා සිදු වූ බවට එල්ල වන චෝදනා හේතුවෙන් ඡන්ද ගණන් කිරීමේ මධ්‍යස්ථාන නිරීක්ෂණයට මෙසේ අවසර ඉල්ලා සිටින බව රෝහණ හෙට්ටිආරච්චි මහතා කියා සිටියේය. adaderana
0 comments:
Post a Comment