අනුරාධපුර මූලස්ථාන පොලිස් පරීක්ෂකවරයාගේ ස්ථානමාරුව වහාම අත්හිටුවන ලෙස මැතිවරණ නිරීක්ෂණ ජාලය මැතිවරණ කොමසාරිස්වරයාගෙන් ඉල්ලීමක් කරයි.
මැතිවරණ කාලසීමාව තුළදී මෙවැනි ස්ථානමාරුවක් ලබාදීම නීතිවිරෝධී බව මැතිවරණ නිරීක්ෂණ ජාලය පෙන්වාදෙයි. මැතිවරණ නිරීක්ෂණ ජාලය නිකුත් කළ නිවේදනයක සඳහන් වන්නේ අමාත්‍ය දුමින්ද දිසානායක සහ උතුරු මැද පළාත් ප්‍රධාන අමාත්‍ය බර්ටි ප්‍රේමලාල් දිසානායක යන මහත්වරුන්ගේ බලපෑම මත පොලිස් පරීක්ෂක සුමිත් මුණසිංහ මහතා මඩකලපුව පොලිසියට මාරු කර යවා ඇති බවය.
පසුගිය 16 වැනි දින අනුරාධපුර ගල්කුලම ප්‍රදේශයේ දී මැර ප්‍රහාරයකට ලක්වූ පොලිස් පරීක්ෂක සුමිත් මුණසිංහ මහතා තුවාල ලබා අනුරාධපුර රෝහලේ ප්‍රතිකාර ලබමින් සිටි බව එම නිවේදනයේ සඳහන් වේ. දුමින්ද දිසානායක මහතා සමග ඇතිවූ බහින්බස් වීමක් හේතුවෙන් මෙම පොලිස් නිලධාරියා පහරකෑමට ලක්වූ බව මැතිවරණ නිරීක්ෂණ ජාලය පෙන්වාදෙයි.adaderana
0 comments:
Post a Comment