කොටි සංවිධානය විසින් බලෙහත්කාරයෙන් පැහැරගෙන ගිය සිය පුත්‍රයා ආරක්ෂක හමුදා භාරයට පත් කළ බවත්, චෝදනා නොමැති නම් ඔහු නිදහස් කරන ලෙසත් ඉල්ලා වව්නියාවේ ද්‍රවිඩ ජාතික පියෙකු විසින් හෙබයාස් කෝපුස් පෙත්සමක් විභාග කළ වව්නියාව අධිකරණයට ආරක්සඛ ලේකම් ගෝඨාභය රාජපක්ෂ ඇතුළු සිවු දෙනෙකුට ලබන මැයි මස 07 දා අධිකරණයේ පෙනී සිටින ලෙසට නොතීසි නිකුත් කර ඇත.
වව්නියාව, පොම්පෙමඩු කඳවුරේ වෙසෙන සත්කුනම් ගජන්ගේ පියා විසින් වව්නියාව අධිකරණයට ගොනු කළ පෙත්සම සලකා බැලූ වව්නියාව මහාධිකරණ විනිසුරු ජේ.විශ්වනාදන් මහතා මෙළෙස ආරක්ෂක ලේකම්වරයාට නොතීසි නිකුත් කර ඇත.
යුධ සමයේදී සිය පුත්‍රයා වන සත්කුනම් ගජන් කොටි සංවිධානය විසින් බලහත්කාරයෙන් පැහැරගෙන ගොස් කොටි සාමාජිකයෙකු ලෙස රඳවා ගත් බවත්, පසුව තමා විසින්ම සිය පුත්‍රයාව පුදුමාතලන්හිදී රජයේ ආරක්ෂක හමුදාවන්ට භාර දුන් බවත් එම පෙත්සමෙන් මෙම පියා කරුණූ දක්වා ඇත. එසේව ආරක්ෂක හමුදාවන් විසින් මේ වන විට සිය පුත්‍රයා රඳවා සිටින බවත්, තමන්ට ඔහු බැලීමට හෝ අවස්ථාව ලබා දී නොමැති බවත් එම පෙත්සමෙන් පවසා ඇති මෙම පියා ඉල්ලා ඇත්තේ චෝදනා නැතිනම් සිය පුත්‍රයා වහාම නිදහස් කරන ලෙස නියෝග කරන ලෙසයි.lankatruth
0 comments:
Post a Comment