කැලණිය දායක සභාවේ සභාපති ධුරය අනිවාර්යෙන්ම තමාට හිමිවිය යුතු බව කම්කරු අමාත්‍ය ආචාර්ය මර්වින් සිල්වා මහතා පවසයි.
දැනට දායක සභාවේ සභාපති ධූරයේ සිටින රනිල් වික්‍රමසිංහ මහතා ඉන් ඉවත් කළ යුතු බව ඒ මහතා සඳහන් කළේය. බුද්ධ ශාසනය නඟා සිටුවීම සඳහා ඔහුගෙන් කිසිදු දායකත්වයක් නොලැබෙන බව මර්වින් සිල්වා අමාත්‍යවරයා ඊයේ කැලණිය රජමහා විහාරයේ පැවති ආගමික උත්සවයකට සහභාගී වෙමින් ප්‍රකාශ කළේය.
ගම්පහ දිස්ත්‍රික්කයේ දුප්පත් පන්සල් නඟා සිටුවීම සහ එම පන්සල්වල සිටින සාමණේර භික්ෂූන් වහන්සේලාගේ පවුල්වල සාමාජිකයින්ගේ ආර්ථිකය නඟා සිටුවීම සඳහා තමන් උපරිමයෙන් කැප වන බව හෙතෙම කියා සිටියේය. රුපියල් ලක්ෂ 100 ක මුදලක් යෙදවීමට බලාපො‍රොත්තු වන බව අමාත්‍යවරයා මෙහිදී වැඩිදුරටත් අවධාරණය කළේය. adaderana
0 comments:
Post a Comment