පින්නවල අලි අනාථාගාරය වෙනත් තැනකට ගෙනයන්නේ නෑFebruary 10, 2011 04:55 pm

පින්නවල අලි අනාථාගාරය වෙනත් ස්ථානයකට ගෙන යන බවට පැතිර යන ප්‍රචාරයන්හි කිසිදු සත්‍යතාවක් නැතැයි සබරගමු පළාත් ප්‍රධාන අමාත්‍ය මහීපාල‍ හේරත් මහතා පවසයි.

පින්නවල අලි අනාථාගාරය දෙස් විදෙස් සංචාරකයින්ට වඩාත් ආකර්ශනීය ස්ථානයක් බවට පත්කිරීමට අවශ්‍ය පියවර ගැනීම සඳහා දැනටමත් සැලසුම් සකස් කර ඇති බව ඔහු සඳහන් කරයි.

අලි ඇතුන් දියනෑම සඳහා මාඔයට රැගෙන යන අලිමංකඩ වෙනුවට වෙනත් අලි වැටක් ඉදිකිරීම සම්බන්ධයෙන් ද අවධානය යොමුව ඇති බව හෙතෙම කියා සිටියි.

එමෙන්ම මාඔය හරහා වේල්ලක් ඉදිකිරීම සම්බන්ධයෙන් ද අවධානය යොමුව ඇති බව හෙතෙම වැඩිදුරටත් ප්‍රකාශ කරයි.