ඉන්දු -ලංකා බෝට්ටු සේවය හෙට ඇරඹෙයිFebruary 10, 2011 04:41 pm

ශ්‍රී ලංකාව හා ඉන්දියාව අතර පෞද්ගලික මගී හා භාණ්ඩ ප්‍රවාහන බෝට්ටු සේවය හෙට(11) සිට නැවත ආරම්භ කිරීමට නියමිත බව ඉන්දීය මාධ්‍ය වාර්තා කරයි.

ඒ අනුව හෙට දිනයෙහි ටොන් 300 ක බරකින් යුත් ලූණු, අර්තාපල් හා ධාන්‍ය ඇතුළු භාණ්ඩ තොගයක් රැගත් යාත්‍රාවක් ඉන්දියාවේ සිට කොළඹ වෙත ළඟාවන බව ද සඳහන්ය.

මෙම බෝට්ටු සේවය වසර 02 ක පමණ කාලයක් ශ්‍රී ලංකාවේ පැවති සිවිල් යුද ගැටුම් තත්ත්වය නිසා ඇනහිට තිබිණි.

එමෙන්ම තූත්තුකුඩිය හා මාලදිවයින අතර භාණ්ඩ ප්‍රවාහන බෝට්ටු සේවය ආරම්භ කිරීම පිළිබඳව ද මේ වනවිට කටයුතු කරමින් සිටින බව ඉන්දීය මාධ්‍ය වාර්තා කරයි.