පිළිතුරු සැපයීමට ඇමති නොමැති නම් නියෝජ්‍ය ඇමති සිටිය යුතුයිFebruary 10, 2011 03:21 pm

වාචික පිළිතුරු අපේක්ෂාවෙන් මන්ත්‍රීවරුන් යොමුකරන ප්‍රශ්න සඳහා පිළිතුරු ලබාදීමට අදාළ ඇමතිවරයා නොමැති නම් නියෝජ්‍ය අමාත්‍යවරයා හෝ පාර්ලිමේන්තු සභා ගැබේ සිටිය යුතු බව කතානායකවරයා දැනුම් දී තිබේ.

අදාළ පිළිතුරු ලබාදීම අවශ්‍ය බැවින් නියෝජ්‍ය අමාත්‍යවරයා හෝ සිටීම වැදගත් බව කතානායක චමල් රාජපක්ෂ මහතා අද(10) පාර්ලිමේන්තුවේ දී ප්‍රකාශ කර ඇත.

තමා මේ සම්බන්ධයෙන් ජ්‍යෙෂ්ඨ අමාත්‍යවරුන්, අමාත්‍යවරුන් සහ නියෝජ්‍ය අමාත්‍යවරුන් දැනුවත් කර ඇති බව ආණ්ඩු පක්ෂයේ ප්‍රධාන සංවිධායක දිනේෂ් ගුණවර්ධන මහතා ප්‍රකාශ කර තිබේ.

එසේ දැනුවත් කර තිබියදීත් ඔවුන් නොපැමිණීම පිළිබඳ තමාට කළ හැකි දෙයක් නොමැති බව ඔහු වැඩිදුරටත් සඳහන් කර ඇත.

වාචික පිළිතුරු අපේක්ෂාවෙන් යොමු කළ ප්‍රශ්න සඳහා පිළිතුරු ලබාදීමට අදාළ අමාත්‍යවරුන් අද දින සභා ගැබේ නොසිටීම සම්බන්ධයෙන් මතුවූ ගැටළුවක දී මෙම දැනුවත් කිරීම් සිදුවූ බව අද දෙරණ පාර්ලිමේන්තු වාර්තාකරු සඳහන් කළේය.