පාර වසා ඇත, කලින් එන්න -ශ්‍රී ලන්කන් දැනුම්දෙයි February 10, 2011 03:55 pm

විදෙස් ගමන් සඳහා කලින් ආසන වෙන්කරන ලද ගුවන්යානය පිටත්වීමට නියමිත වේලාවට වඩා අවම වශයෙන් පැය 04 ට පෙර සිය නිවෙස් වලින් පිටත්ව පැමිණෙන ශ්‍රී ලංකා එයාර්ලයින්ස් මගී ජනතාවගෙන් ඉල්ලීමක් කරයි.

එමෙන්ම ගුවන් තොටුපළ වෙත පැමිණීමේදී විකල්ප පිවිසුම් මාර්ග භාවිත කරන ලෙසද ඔවුන් ජනතාව වෙත දැනුම් දෙයි.

කටුනායක ජාත්‍යන්තර ගුවන් තොටුපළ වෙත පැමිණෙන ශ්‍රී ලංකා -කැනඩා මිත්‍රත්ව මාර්ගය පෙබරවාරි 12 හා 13 යන දෙදින තුළ තාවකාලිකව වසා තිබීම මීට හේතුව බව ද සඳහන්ය.

මේ පිළිබඳව කාරුණික අවධානය යොමුකර සිදුවන අපහසුතාවයන් මගහරවා ගන්නා ලෙස ශ්‍රී ලංකා එයාර් ලයින්ස් මගී ජනතාව වෙත දැනුම් දෙයි.