යාපනය අර්ධද්වීපයේ ධීවරයින්ට මුහුදු යාමේ දී පනවා තිබූ තහංචි ඉවත් කර ඇතත් ඒ සදහා අවශ්‍ය පහසුකම් ප්‍රමාණවත් පරිදි නොතිබීම හේතුවෙන් ඔවුන් දැඩි දුෂ්කරතාවයකට පත් ව තිබේ. කොළොම්බුතුරෛයි, පාසිඌර්, කයිට්ස් යන ප්‍රදේශ වල ධීවර ජැටි සියල්ලම විනාශයට පත් ව ඇති බව අප වාර්තාකරු සඳහන් කළේය.
මේ හේතුවෙන් මෙම ප්‍රදේශ වල ධීවරයින්ට සිය බෝට්ටු වෙනත් ස්ථාන වල නවතා තැබීමට සිදුව ඇත. මෙම තත්ත්වය යාපනයේ ධීවර කර්මාන්තය නඟා සිටුවීම සඳහා විශාල බාධාවක්ව ඇති බව සදහන්ය. තව ද යාපනය ධීවර වරායන් ආශ්‍රිතව ඇති මෝය කටවල් පුළුල් නොකිරීම හේතුවෙන් ද එම ධීවරයින් දුෂ්කරතාවන්ට පත් ව ඇතැයි එහි සිටින අප වාර්තාකරු ප්‍රකාශ කළේය. adaerana
0 comments:
Post a Comment