ජී.එස්.පී. ප්ලස් බදු සහනය ලබාගැනීමේ වගකීම පැවරී ඇත්තේ ශ්‍රී ලංකා රජයට බව යුරෝපා සංගමයේ ශ්‍රී ලංකා තානාපති බර්නාඩ් සැවේජ් මහතා පවසයි. ජී.එස්.පී ප්ලස් සහනය ලබාගැනීමට ශ්‍රී ලංකාවට හැකිවනු ඇති බවට තමන් විශ්වාස කරන බව ද සැවේජ් මහතා සඳහන් කළේය. ඔහු මේ අදහස් පළ කළේ ඊයේ මහනුවර ප්‍රදේශයේ දී මාධ්‍යවේදීන් පිරිසක් අමතමිනි.
ජී.එස්.පී. ප්ලස් සහනය ලබාගැනීම සඳහා පවතින බාධක ජයගැනීමට ශ්‍රී ලංකා රජය කටයුතු කළ යුතු බව සැවේජ් මහතා මෙහිදී පෙන්වා දී ඇත. යුද්ධයෙන් පීඩාවට පත් උතුරු ප්‍රදේශයේ ජන ජීවිතය නගා සිටුවීම සඳහා සහය ලබාදීමට යුරෝපා සංගමය සූදානම් බව ද සැවේජ් මහතා මෙහිදී වැඩිදුරටත් ප්‍රකාශ කර තිබේ. adaderaana
0 comments:
Post a Comment