මහනුවර දිස්ත්‍රික්කයෙන් පාර්ලිමේන්තුවට තේරී පත්වූ කිසිඳු මන්ත්‍රීවරයෙකු ඇමති ධුරයන්හි දිවුරුම් දීම ඊයේ සිදුවූයේ නැත.
පසුගිය ආණ්ඩුවේ ප්‍රබල අමාත්‍යධුර දැරූ කිහිපදෙනෙකුම මහනුවර දිස්ත්‍රික්කය නියෝජනය කරමින් පාර්ලිමේන්තුවට තේරී පත්විය. ආචාර්ය සරත් අමුණුගම, කෙහෙළිය රඹුක්වැල්ල ඉන් ප්‍රධානය. පසුගිය ආණ්ඩුවේ බලශක්ති කැබිනට් නොවන අමාත්‍ය ධුරය දැරූ මහින්දානන්ද අලුත්ගමගේ මහතා ද මහනුවර දිස්ත්‍රික්කයෙන් පාර්ලිමේන්තුවට තේරී පත්ව සිටියි. එස්.බී. දිසානායක මහතා ද මෙවර මහ මැතිවරණයෙන් එම දිස්ත්‍රික්කයෙන් පාර්ලිමේන්තුවට තේරී පත්විය.
මේ අතර පසුගිය අමාත්‍ය මණ්ඩලයේ තරුණ අභිවෘද්ධි හා සමාජ ආර්ථික සංවර්ධන කැබිනට් අමාත්‍ය ධුරය දැරූ ආරුමුගම් තොණ්ඩමන් මහතාට මෙවර අමාත්‍ය ධුරයක් හිමිවී නැත. පසුගිය ඇමති මණ්ඩලයේ ආයෝජන ප්‍රවර්ධන කැබිනට් නොවන අමාත්‍ය ධුරය දැරූ නවීන් දිසානායක මහතාට ද මෙවර ඇමති ධුරයක් හිමි නොවීම විශේෂත්වයකි. adaderana
0 comments:
Post a Comment