භූතාන රජතුමා සහ සාර්ක් සමුළුවට සහභාගී වූ රාජ්‍ය නායකයින් අතර නිල හමුවක් අද පැවැත්වේ. සාර්ක් රාජ්‍ය නායක සමුළුවට සහභාගී වී සිටින සියලුම රාජ්‍ය නායකයින්ගේ සහභාගීත්වයෙන් මෙය සුහද හමුවක් ලෙස පැවැත්වෙන බව වාර්තා වේ. සතුරු බලවේගවලට එරෙහි ජයග්‍රහණ සංකේතවත් කෙරෙන ලා-ධාර් නම් භූතාන විශේෂ ධජය එසවීමේ උත්සවය ද සාර්ක් රාජ්‍ය නායකයින්ගේ සහභාගීත්වයෙන් අද සිදුකෙරෙයි.
16 වන සාර්ක් සමුළුව සංකේතවත් කරමින් රුක් රෝපණය කිරීමක් ද මෙහිදී සිදුවේ. ඊට අමතරව සාර්ක් ව්‍යාපාරික සමුළුව විසින් සංවිධානය කළ එම රටවල නිර්මාණ ඇතුළත් ප්‍රදර්ශනයක් නැරඹීමට ද රාජ්‍ය නායකයින් සැලසුම් කර තිබේ. ඉන් අනතුරුව 16 වන සාර්ක් රාජ්‍ය නායක සමුළුව අවසන් කිරීමේ උත්සවය භූතාන අග්‍රාමාත්‍යවරයා විසින් ප්‍රකාශයට පත්කරනු ඇත. adaderana
0 comments:
Post a Comment