එල්.ටී.ටී.ඊ සංවිධානයේ නිර්මාතෘවරයා වූ වී.ප්‍රභාකරන් ගේ යාපනයේ පිහිටි මහ ගෙදර රජයේ ආරක්ෂක අංශ විසින් බිමට සමතලා කර ඇති බවට ද්‍රවිඩ සන්ධානයේ හිටපු පාර්ලිමේන්තු මන්ත්‍රී එම්.කේ ශිවාජිලිංගම් මහතා ඒ.එෆ්.පී පුවත් සේවයට පවසා තිබේ.
මෙම නිවස යාපනයට පැමිණෙන සංචාරකයින්ගේ දැඩි අවධානයට ලක්වීම හේතුවෙන් මේ අයුරින් විනාශ කර දමා ඇති බව ද හෙතෙම පවසා ඇත.
මෙම ක්‍රියාවෙන් රජය විනාශ කරමින් සිටින්නේ ඉතිහාසයේ කොටස් බවත්,එල්.ටී.ටී.ඊ සංවිධානයේ අවසන් සිහිවටන ද මෙමගින් විනාශ කරන බවත්, ද්‍රවිඩ ජාතික විමුක්ති සන්ධානයේ ලේකම්වරයා ලෙස කටයුතු කරන ශිවාජිලිංගම් කියා සිටියි. මේ පිළිබඳ විමසන ලදුව යුද හමුදා මාධ්‍ය ප්‍රකාශක මේජර් ජෙනරාල් ප්‍රසාද් සමරසිංහ මහතාත්,පොලිස් මාධ්‍ය ප්‍රකාශක පොලිස් අධිකාරී ප්‍රිශාන්ත ජයකොඩි මහතාත් මේ සම්බන්ධයෙන් කිසිවක් නොදන්නා බව පැවසූ බව හෙතෙම වැඩිදුරටත් සඳහන් කර තිබේ. adaderana
0 comments:
Post a Comment