පසුගිය රජයේ අධ්‍යාපන ඇමැති ලෙස කටයුතු කළ සුසිල් ප්‍රේමජයන්ත් මහතාට දැඩි ලෙස දෝෂාරෝපනය කරමින් නව අමාත්‍ය බන්දුල ගුණවර්ධන මහතාට සුභ පතමින් ආණ්ඩුවට හිතවත් වෘත්තීය සමිතියක් වන ශ්‍රී ලංකා නිදහස් ගුරු සංගමය විසින් අද පැලවත්ත, ඉසුරුපායේ විශාල බැනරයක් ප්‍රදර්ශනය කර තිබිණි.
මෙම බැනරයේ ප්‍රධාන වැකිය ලෙස දක්වා තිබුණේ "පුරන් වූ අධ්‍යාපන කෙත යලි අස්වැද්දෙන වගයි...!" යනුවෙනි. මෙම බැනරයට අනුව පසුගිය කාලය පුරාවටම නගා සිටවූවා යැයි කියන අධ්‍යාපනය ආණ්ඩුව විසින්ම පුරන් කළ බව පිළිගෙන ඇත. මෙහි විශේෂය වන්නේ මෙම හෙළිකිරීම සිදු කර ඇත්තේ ආණ්ඩු විරෝධී කල්ලියක් නොව, පසුගිය කාලය පුරාම මහින්ද රාජපක්ෂ මහතා ජනාධිපතිකරවීමටත්, එක්සත් ජනතා නිදහස් සන්ධානය ජයග්‍රහණය කරවීමටත් කටයුතු කළ ශ්‍රී ලංකා නිදහස් පක්ෂයේ නිල ගුරු වෘත්තීය සමිතිය වන ශ්‍රී ලංකා නිදහස් ගුරු සංගමය විසිනි.
මෙහි ඇති අනෙක් විශේෂය වන්නේ මෙම බැනරය ප්‍රදර්ශනය කර තිබුණේ අධ්‍යාපන අමාත්‍යංශය වන ඉසුරුපාය පරිශ්‍රය තුළ වීමයි. අමාත්‍ය බන්දුල ගුණවර්ධන මහතා අධයාපන අමාත්‍යංශයේ වැඩ භාර ගන්නා අවස්ථාවට හිටපු අධ්‍යාපන ඇමැති සුසිල් ප්‍රේමජයන්ත් මහතා ද පැමිණ සිටි අතර, මෙම බැනරය ප්‍රදර්ශනය කර තිබුණේ ඔහුද පැමිණි උත්සවයදීවීම තවත් විශේෂයකි.adaderana
0 comments:
Post a Comment