මධ්‍යම පළාත් සභාවේ විපක්ෂ නායකවරයාව සිටි වසන්ත අලුවිහාරේ මහතා පාර්ලිමේන්තුවට තේරී පත්වීමෙන් පසුව කේ.කේ.පියදාස මහතාව එම තනතුරට පත් කිරීම ප්‍රතික්ෂේප කිරීමට මධ්‍යම පළාත් සභාවේ එක්සත් ජාතික පක්ෂ මන්ත්‍රී කණ්ඩායම තීරණය කර තිබේ. ඊයේ රාත්‍රී මහනුවර සංචාරක හෝටලයකදී පැවැති රහසිගත සාකච්ඡාවකින් පසුව මෙම තීරණය ගෙන තිබේ.
මධ්‍යම පළාත් සභාවේ විපක්ෂයේ ප්‍රධාන සංවිධායක ලකී ජයවර්ධන මහතා මාධ්‍ය වෙත පවසා ඇත්තේ තමන්ගේ ගැත්තන්ට තනතුරු ලබාදීමේ එක්සත් ජාතික පක්ෂ නායකයාගේ පියවර තමන් අනුමත නොකරන බවයි. මේ අතර මධ්‍යම පළාත් සභාවේ එක්සත් ජාතික පක්ෂ මන්ත්‍රී සංජීව කවිරත්න මහතා මාධ්‍ය වෙත පවසා ඇත්තේ පක්ෂය තුළ ප්‍රජාතන්ත්‍රවාදය තිබිය යුතු බවත්, එමෙන්ම විපක්ෂ නායකයා තෝරා පත් කිරීමේ අයිතිය මධ්‍යම පළාත් සභා මන්ත්‍රී කණ්ඩායමට ලබා දෙන ලෙස පක්ෂයෙන් ඉල්ලා සිටීමේ යෝජනාවක් සම්මත කර ගත් බව ද ඔහු පවසයි. මේ අතර මාධ්‍ය වෙත අදහස් දක්වා ඇති එක්සත් ජාතික පක්ෂ පළාත් සභා මන්ත්‍රී රෝහණ බණ්ඩාරනායක මහතා පවසා තිබෙන්නේ තමන්ට හැමදාමත් විපක්ෂයේ සිටිය නොහැකි බවත්, විපක්ෂ නායකයා පත් කිරීමට පෙර මන්ත්‍රී කණ්ඩායම් සමඟ සාකච්ඡා කිරීමේ වගකීමක් රනිල් වික්‍රමසිංහ මහතාට ඇති බවත්ය.lankatruth
0 comments:
Post a Comment