මීළඟ පාර්මේන්තු සැසියේදී හදිසි අවස්ථාව සම්බන්ධයෙන් ගෙන එන විවාදයේදී විපක්ෂයේ ප්‍රධාන අදහස් දැක්වීම ජෙනරාල් සරත් ෆොන්සේකා මහතා විසින් සිදුකරනු ඇති බව ප්‍රජාතන්ත්‍රවාදී ජාතික සන්ධානයේ ලේකම් පාර්ලිමේන්තු මන්ත්‍රී විජිත හෙරත් මහතා පවසයි. එහිදී මානව හිමිකම් කඩවීම්,තමන්ට සිදුවුණු අසාධාරණකම් මෙන්ම ආණ්ඩුවේ අක්‍රමකතාවන් පිළිබඳවද දීර්ඝ වශයෙන් ෆොන්සේකා විසින් කරුණු දක්වනු ඇති බවට හෙතෙම විශ්වාසය පළ කළේය.
මැයි මස 04-05-06 යන තෙදින තුළ හදිසි අවස්ථාව පිළිබඳ විවාදය සිදු කෙරේ.. ඉදිරියටත් කුසලානය ලකුණෙන් තරඟ කිරීමට ජ.වි.පෙ සූදානම් බවද විජිත හෙරත් මහතා කියා සිටියේ අද පැවති මාධ්‍ය හමුවකට එක්වෙමිනි. පසුගිය මහ මැතිවරණයෙන් එක්සත් ජනතා නිදහස් සන්ධානය ජයග්‍රහණය කරනු ලැබූවද බහුතර ඡන්ද දායක පිරිසක් ඡන්දය දීමෙන් වැලකී සිටියේ ආණ්ඩුවට දැක්වූ අකමැත්ත නිසා බවද හෙතෙම සඳහන් කළේය.
මේ වසරෙත් අයවැයක් ගෙන එන්නට ආණ්ඩුව විසින් කටයුතු කර නොමැති බවත් ඒ වෙනුවට අතුරු සම්මත ගිණුමක් මගින් මුදල් වියදම් පියවා ගැනීමට කටයුතු කරමින් සිටින්නේ ආදායම් වියදම් පිළිබඳ හෝ නිසි අවබෝධයක් ආණ්ඩුවට නොමැති නිසා බවත් විජිත හේරත් මන්ත්‍රීවරයා වැඩිදුරටත් කියා සිටියේය.adaderana
0 comments:
Post a Comment