යුද හමුදාපති තනතුරේ සිටින අතරවාරයේ ආරක්ෂක මාණ්ඩලික ප්‍රධානී තනතුරට පත්ව ඇති නිසා ජෙනරල් සරත් ෆොන්සේකා මහතාට එරෙහිව නඩු පැවරීමට හැකියාව පවතින බව අභියාචනාධිකරණය හමුවේ අවධාරණය කර ඇත. දෙවන යුධ අධිකරණය අවලංගු කරන ලෙස ඉල්ලා ජෙනරාල් සරත් ෆොන්සේකා ගොනු කළ පෙත්සම ඊයේ සවස විභාගයට ගත් අවස්ථාවේදී වත්මන් යුධ හමුදාපති වෙනුවෙන් පෙනීසිටි නීතිඥවරයා මේ බව අවධාරණය කර සිටියේය.
ජෙනරාල් සරත් ෆොන්සේකා ආරක්ෂක මාණ්ඩලික ප්‍රධානී තනතුරේ කටයුතු කළ ද ඔහුට යුද හමුදා පනත අනිවාර්යෙන්ම අදාළ වන බැවින් යුද අධිකරණයක් පත්කිරීම නීත්‍යානුකූල බව එම නීතීඥවරයා කියා සිටියේය. යුද හමුදා පනත යටතේ සරත් ෆොන්සේකා අත්අඩංගුවට ගැනීමට කිසිදු බාධාවක් නොමැති බව පෙන්වා දුන් නීතීඥවරයා ඔහු අත්අඩංගුවට ගෙන රඳවා ගැනීම නීති විරෝධී නොවන බව ද ප්‍රකාශ කළේය. මේ සම්බන්ධයෙන් වැඩිදුර විමසීම ලබන 18 වනදාට කල්දමනු ලැබීය. adaderana
0 comments:
Post a Comment