කොළඹ හෙට්ටිවීදියේ වෙළඳසැලක තිබූ රන්භාණ්ඩ හා මුදල් කොල්ලකෑමේ සිද්ධියට අදාළව වරද පිළිගත් එම වෙළඳසැලේ කළමනාකාරවරයා සහ තවත් විත්තිකරුවන් දෙදෙනකුට බරපතල වැඩ සහිතව මාස 6ක සිර දඩුවමක් නියම කර තිබේ. ඊට අමතරව වසර 20 කට අත්හිටවූ මාස 9 ක අමතර දඩුවමක් ද ලබාදීමට කොළඹ අතිරේක මහේස්ත්‍රාත් කුමාරි අබේරත්න මහත්මිය නියෝග කළේය.
විත්තිකරුවන් දෙදෙනාට රුපියල් 1500 බැගින් දඩ මුදලක් නියම කළ මහේස්ත්‍රාත්වරිය අදාළ දඩ මුදල නොගෙවන්නේ නම් අමතර මාස 3 ක සිරදඩුවමක් ද පනවනු ලැබීය. අදාළ වෙළඳසැල කොල්ලකා රුපියල් ලක්ෂ 62 ක රන්භාණ්ඩ හා රුපියල් ලක්ෂ 18 ක මුදල් සොරකම් කිරීම සම්බන්ධයෙන් පිටකොටුව පොලිසිය විසින් මෙම සැකකරුවන් අත්අඩංගුවට ගෙන අධිකරණයට ඉදිරිපත් කර ඇත. adaderana
0 comments:
Post a Comment