පළමු යුද අධිකරණයේ කටයුතු අත්හිටුවීමේ නියෝගයක් නිකුත් කරන්නැයි ඉල්ලා ජෙනරාල් සරත් ෆොන්සේකා මහතා ගොනු කළ විශේෂ අභියාචනා පෙත්සමක් ශ්‍රේෂ්ඨාධිකරණය විභාගයට නොගෙන ප්‍රතික්ෂේප කරන ලදී.
ආචාර්ය ශිරානි බණ්ඩාරනායක මහත්මිය ප්‍රමුඛ ත්‍රිපුද්ගල විනිසුරු මඩුල්ලක් විසින් මෙම නියෝගය ලබාදී තිබේ. පළමු යුද අධිකරණයේ විමර්ශන කටයුතු අත්හිටුවමින් පසුගිය මැයි මස 3 වැනිදා අභියාචනාධිකරණය මගින් නිකුත් කළ තහනම් නියෝගය එම අධිකරණය විසින්ම එම මස 21 වැනිදා ඉවත දැමුණි.
කිසිදු සාධාරණ හේතුවක් නොමැතිව අභියාචනාධිකරණය විසින් අදාළ තහනම් නියෝගය ඉවත් කිරීම නීතිවිරෝධී බැවින් එම නියෝගය නැවත පනවන තීන්දුවක් ලබාදෙන ලෙස ඉල්ලා මෙම විශේෂ අභියාචනා පෙත්සම ඉදිරිපත් කර තිබුණි.
පෙත්සම විභාග කළ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල, එය පවත්වාගෙන යාමට තරම් ප්‍රමාණවත් කරුණු නොමැති බැවින් නිෂ්ප්‍රභ කළ බව සඳහන් කරන ලදී. adaderana
0 comments:
Post a Comment