පේරාදෙණිය විශ්ව විද්‍යාලයේ සම සෞඛ්‍ය උපාධි පාඨමාලාව වසරකින් අඩුකිරීමට විරෝධය පළකරමින් විශ්ව විද්‍යාල ප්‍රතිපාදන කොමිසන් සභාව ඉදිරිපිට අද දහවල් ආරම්භ කළ සත්‍යග්‍රහය අඛණ්ඩව ක්‍රියාත්මක කරන බව අන්තර් විශ්ව විද්‍යාල ශිෂ්‍ය බලමණ්ඩලය පවසයි.
සත්‍යග්‍රහය අද රාත්‍රියේ මෙම සත්‍යග්‍රහය විසුරු‍වා හැරීමේ සැලසුමක් පවතින බවට තමන්ට මේ වන විට තොරතුරු ලැබී ඇති බව එහි කැඳවුම්කරු උඳුල් ප්‍රේමරත්න මහතා සඳහන් කරයි.
යම් හෙයකින් සත්‍යග්‍රහය කඩාකප්පල් කිරීමට කිසිවෙකු උත්සහ දැරුවහොත් යළි හෙට උදෑසන සිට එය නැවත ආරම්භ කිරීමට කටයුතු කරන බව ඔහු අවධාරණය කර සිටියි.
මේ අතර සම සෞඛ්‍ය ගැටලුව පාදක කරගනිමින් හටගෙන ඇති මෙම වාතාවරණය පිළිබඳව පැහැදිලි කිරීමේ මාධ්‍ය හමුවක් මේ වන විට උසස් අධ්‍යාපන අමාත්‍ය එස්.බී. දිසානායක මහතාගේ ප්‍රධානත්වයෙන් පැවැත්වේ.
එහිදී උසස් අධ්‍යාපන අමාත්‍ය එස්.බී. දිසානායක මහතා කියා සිටියේ පවත්නා ගැටලුවට විසඳුමක් ලබාදීමට රජය සූදානම්ව තිබියදීත් ජනතා විමුක්ති පෙරමුණ මෙලෙස අරගලවල යෙදීම කනගාටුවට කරුණක් බවයි.
මේ ආකාරයෙන් අරගල සිදුකර පවත්නා ගැටලුවට විසඳුම් ලබාගත නොහැකි බව ද ඔහු එහිදී අවධාරණය කර සිටියේය. adaderana
0 comments:
Post a Comment