දේශපාලන අරමුණු මුදුන් පමුණුවා ගැනීම සහ ජෙනරාල් සරත් ෆොන්සේකා මහතාගේ මැතිවරණ ව්‍යාපාරය කඩා කප්පල් කිරීමේ අරමුණින් ආණ්ඩුව තමාට බොරු චෝදනා ඉදිරිපත් කරමින් තිබෙන බව අනෝමා ෆොන්සේකා මහත්මිය පවසයි. ඇය මේ බව පැවසුවේ අද පස්වරුවේ සිය නිවසේදී පැවැති හදිසි ප්‍රවෘත්ති සාකච්ඡාවේදීය. එම ප්‍රවෘත්ති සාකච්ඡාවේදී ෆොන්සේකා මහත්මිය මෙසේද පැවසීය.
මම සේවා වනිතා සභාපතිනිය ලෙස වැඩ කරන සමයේ කරපු "සෙනහස" නැමැති වැඩ සටහන සම්බන්ධයෙන් රජයේ මාධ්‍යවල විවේචනාත්මකව පලවී තිබුණා. එය හුදු මඩ ගැසීමේ චේතනාවෙන් ආණ්ඩුව කරන්නක් බව පැහැදිලියි. මම එම වැඩ සටහන පටන් ගත්තේ රණවිරු පවුල් සුභ සාධනය සදහා මෙම වැඩ සටහනේ ඉලක්කය වුණේ රණවිරු පවුල්වල උපතින්ම ආබාධිතවූ දරුවන් සුභ සාධනය. අපේ රටේ ආබාධිත දරුවන් සදහා පහසුකම් නැහැ. එනිසා මම හිතුවා මට හැකි පමණන් ඊට පිළියම් යෙදීමට. ඒ සදහා තමයි සෙනෙහස පාසල පටන් ගත්තේ.
ඒ හරහා රණවිරවන්ගේ ආබාධිත දරුවන් හදා වඩා ගැනීම සහ ඔවුන් නගා සිටුවීමට කටයුතු කළා. පාසලට ළමුන් තෝරගත්තේ පරීක්ෂණ කරලා. මම මෙම කාර්ය ඇරඹුවේ බොහොම සත් බාවයකින් නමුත් මට එම කාර්ය නිමාකරන්න බැරි වුණා. මට එම තනතුරින් ඉවත්වන්න සිදුවුණා. නමුත් තාමත් යුද හමුදාවට එය නිම කිරීමට බැරි වෙලා. දැන් ආණ්ඩුවේ දේශපාලන අරමුණු මුදුන් පමුණුවා ගැනීම සදහා මුදල් අක්‍රමිකතා ගැන කාතාකරනවා. මම අවධාරණය කරනවා අපි සියලුම ගනුදෙනු කළේ විනිවිද භාවයකින් යුක්තවයි. අපට චෝදන කරන උදවියට මම අභියෝග කරනවා එම චෝදනා ඔප්පු කරන ලෙස.
ආණ්ඩුව වංචා සිදුවූ වා යැයි කියන පැසැල් ගොඩ නැගිල්ල සෑදුවේ යුද හමුදා ඉංජිනේරු බලකායෙන්. වංචා සිදුවන නිසාම එය කොන්ත්‍රාත් දුන්නෙත් නැහැ. එනිසා මම ආණ්ඩුවට අභියෝග කරනවා දේශපාලන අරමුණු මුදුන් පමුණුවා ගැනීම සදහා බොරු චෝදනා ඉදිරිපත් නොකර හැකි නම් එම චෝදනා ඔප්පුකර පෙන්වන්න.adaderana
0 comments:
Post a Comment