අපේක්‍ෂකයින් ඡන්දය පාවිච්චි කරන ආකාරය රූගත කිරීම හේ එහි ඡායාරූප ගැනීම මෙවර මැතිවරණයේ දී තහනම් කර ඇති බවත්, මෙම නීතිය තරයේ ක්‍රියාත්මක කිරීමට තමන් කටයුතු කරන බවත් පසුගියදා මැතිවරණ කොමසාරිස්වරයා විශේෂ ප්‍රකාශයක් කරමින් කියා සිටියේය. මැතිවරණ කොමසාරිස්වරයා අදාල තීන්දුව ගෙන ඇත්තේ ආණ්ඩුවේ ඉහළ පුද්ගලයෙකුගේ බලපෑම නිසා බව වාර්තා වේ.
රාජපක්ෂ පවුලේ බලගතු පුද්ගලයෙකු වන මෙම තැනැත්තා මෙවර ගම්පහ දිස්ත්‍රික්කයෙන් මැතිවරණයට ඉදිරිපත්ව ඇතත් ඔහුට ඡන්දය පාවිච්චි කිරීමේ අවස්ථාව නොමැතිවීම මෙයට හේතුව වී ඇත. මෙයට අමතරව මේ දිනවල ජනාධිපතිවරයා විසින් වැඩියෙන් වර්ණනා කරනු ලබන පංචායුධයක් පැළගත් කොළඹ දිස්ත්‍රික් අපේක්ෂයෙකුටද ඡන්දය නොමැති වීම මෙයට තවදුරටත් බලපා ඇත.
පසුගිය ජනාධිපතිවරණයේදී මේ තැනැත්තා ජනරාල් සරත් ෆොන්සේකා මහතාට ඡන්දය නොමැති බවත්, ඒ හේතුවෙන් යම් හෙයකින් ජනරාල් දිනුව හොත් ඔහුට ජනාධිපතිවීමේ අවස්ථාව නොමැති බවත් මැතිවරණ දිනයේදී රාජ්‍ය මාධ්‍ය ඔස්සේ දිගින් දිගටම පැවසීය. නමුත් ජනාධිපතිවරණයේදී සේම මෙවර මහ මැතිවරණයේදීත් මෙම අපේක්ෂකයාට ඡන්දය නොමැති බැවින් අදාල රාජපක්ෂවරයාට ඇවටිලි කොට මැතිවරණ කොමසාරිස්වරයා ලවා අදාල නියෝගය කරවා ඇති බව වැඩිදුරටත් වාර්තා වේ.adaderana
0 comments:
Post a Comment