ජෙනරාල් සරත් ෆොන්සේකා මහතාට එරෙහිව එල්ල වී ඇති චෝදනා විභාග කිරීමට පත් කෙරුණු දෙවන යුධ අධිකරණය අප්‍රේල් 9 වැනිදා දක්වා කල් දමා තිබේ.
දෙවන යුධ අධිකරණය ප්‍රථම වරට ඊයේ රැස්වු අතර එය පස්වරු2.30 සිට පස්වරු 5 දක්වා පැවති බව යුධ හමුදා මූලස්ථානය නිවේදනය කරයි. යුධ හමුදා මිලදී ගැනීම් පටිපාටියට පටහැනි ලෙස සිදුකළ මිලදී ගැනීම් සම්බන්ධව එල්ල වී ඇති චෝදනා විභාග කිරීම සඳහා දෙවන යුධ අධිකරණය පත් කෙරුණි.
දෙවන යුද අධිකරණය ඊයේ රැස්වුයේ මේජර් ජෙනරාල් එම්.ජී.පීරිස්ගේ සභාපතීත්වයෙන් හා මේජර් ජෙනරාල් එස්.දවුලගල සහ මේජර් ජෙනරාල් එස්.හතුරුසිංහ යන මහත්වරුන්ගේ සහභාගිත්වයෙනි.
මාර්තු 16 වන දින රැස්වු ප්‍රථම යුධ අධිකරණය ඊයේ යළි රැස්වු අතර එය ලබන මැයි 5 වනදා දක්වා කල් තැබුණි. මේජර් ජෙනරාල් ඒ.එල්.ආර්.විජේතුංග සහ මේජර් ජෙනරාල් ඩි.ආර්.ඒ.බි.ජයතිලක යන මහත්වරුන් සාමාජිකත්වය දරන පළමු යුධ අධිකරණ‍යේ සභාපතීත්වය දරන්නේ මේජර් ජෙනරාල් එච්.එල්.වීරතුංග මහතා විසිනි.
යුධ අධිකරණ දෙකෙහිම විනිසුරු අධි නීතීඥ ලෙස රියර් අද්මිරාල් ජේ.එස්.ප්‍රනාන්දු මහතා කටයුතු කරයි. adaderana
0 comments:
Post a Comment