මහ මැතිවරණය හෙටයි

7 වන පාර්ලිමේන්තු මැතිවරණය හෙට පැවැත්වීමට නියමිතය.. පාර්ලිමේන්තු මැතිවරණයට අදාල ඡන්ද විමසීම දිවයින පුරා පිහිටි ඡන්ද මධ්‍යස්ථාන 11,098 කදී පැවැත්වේ.
මැතිවරණය සඳහා පිළිගත් දේශපාලන පක්ෂ 36ක් සහ ස්වාධීන කණ්ඩායම් 301ක් නියෝජනය කරමින් ඉදිරිපත්ව සිටින අපේක්ෂකයින් සංඛ්‍යාව 7,620කි.
එම අපේක්ෂකයින් අතරින් පාර්ලිමේන්තු නියෝජනය සඳහා 196 දෙනෙක් තෝරා ගැනීමට නියමිතව ඇති අතර මැතිවරණය සඳහා සුදුසුකම් ලබා ඇති ඡන්ද දායකයින් සංඛ්‍යාව මිලියන 14කට අධිකය..
හෙට පැවැත්වෙන පාර්ලිමේන්තු මැතිවරණයේ ඡන්ද ගණන් කිරීම දිවයින පුරා පිහිටි ගණන් කිරීමේ මධ්‍යස්ථාන 1376ක දී සිදුකෙරෙන බව මැතිවරණ මහලේකම් කාර්යාලය පවසයි.
6 වන පාර්ලිමේන්තුව පසුගිය පෙබරවාරි 9 වැනිදා ජනාධිපතිවරයා විසින් විසුරුවා හැරුණි. adaderana