මෙයට වසර තුනකට පෙර ඉරාකයේ බෑග්ඩෑඩ් නගරයට අමෙරිකානු යුධ හමුදාවේ Apache හෙලිකොප්ටරයක් මගින් ප්‍රහාරයක් එල්ල කරන ආකාරය රූපගත කළ වීඩියෝ දර්ශනයක් WikiLeaks නම් වෙබ් අඩවිය මගින් අද දින ප්‍රසිද්ධියට පත්කර ති‍බේ. මෙම ප්‍රහාරයෙන් 12දෙනෙකු මරණයට පත්වූ බව ද සඳහන්ය.
2007 වසරේ ජූලි මාසයේදී අමෙරිකාව සිදුකළ මෙම ප්‍රහාරය රූපගත කර ඇත්තේ හෙලිකොප්ටරයේ සවි කරන ලද විශේෂිත කැමරාවක් මගිනි. මෙසේ මෙම රූපරාමු ප්‍රසිද්ධියට පත්කිරීමට දෙසතියකට පෙර අමෙරිකාව විසින් WikiLeaks වෙඩ් අඩවිය අමෙරිකානු ජාතික ආරක්ෂාවට තර්ජනයක් බව ද ප්‍රකාශ කර තිබුණි. මිනිත්තු 18ක කාලයකින් යුක්ත කළු සුදු වර්ණ මෙම වීඩියෝ පටයෙහි සාමාන්‍ය සිවිල් වැසියන් කණ්ඩායමක් බෑග්ඩෑඩ් නගරයේ චතුරස්‍රයක් අබියස ඇවිදයමින් සිටියදී මෙම ප්‍රහාරය එල්ලකරන ආකාරය වීඩියෝ පටයෙහි ඇතුළත්ය. මෙම පිරිස අතර රොයිටර් පුවත් සේවයේ ඡායාරූප ශිල්පියෙකු වන 22 හැවිරිදි නමීර් නූර්- එල්ඩීන් සහ ඔහුගේ රියදුරු වන 40 හැවිරිදි සායිද් චමා ද වන බව පසුව හඳුනාගෙන ඇත. adaderana
0 comments:
Post a Comment