මානව හිමිකම් සම්බන්ධ චෝදනා වලදී ඇතැම් බලවත් රටවල් අනුගමනය කරන්නේ දෙබිඩි පිලිවෙතක් බව රජයේ ආරක්ෂක ප්‍රකාශක අමාත්‍ය කෙහෙළිය රඹුක්වැල්ල මහතා පවසයි.
අමාත්‍යවරයා පෙන්වා දෙන්නේ මානව හිමිකම් කඩවීමක් සිදුවී ඇත්ද යන්න රටක විශාලත්වය මත තීරණය කළ නොහැකි බවයි. 2007 වසරේදී අමෙරිකානු සොල්දාදුවන් පිරිසක් විසින් ඉරාකයේ බැග්ඩෑඩ් නගරයේදී මාධ්‍යවේදීන් පිරිසක් ඉලක්ක කරමින් එල්ල කරන ලද ප්‍රහාරයක රූප රාමු අද විදෙස් මාධ්‍ය මගින් වාර්තා කර තිබුණි.
මේ සම්බන්ධයෙන් අදහස් දැක්වු අමාත්‍ය කෙහෙළිය රඹුක්වැල්ල මහතා සඳහන් කළේ බලවත් යැයි කියා ගන්නා රටවල් එවැනි ප්‍රහාර සම්බන්ධයෙන් එක් ප්‍රතිපත්තියකුත් , ශ්‍රී ලංකාව වැනි රටකට වෙනත් ප්‍රතිපත්තියකුත් අනුගමනය කරන බවයි.
මේ හේතුවෙන් ඇතැම් බටහිර රටවල් ශ්‍රී ලංකාව සම්බන්ධයෙන් නිකුත් කරන ප්‍රකාශ කෙරෙහි වැඩි අවධානයක් යොමු කිරීමේ අවශ්‍යතාවයක් නොමැති බවද අමාත්‍යවරයා පෙන්වා දෙයි. adaderana
0 comments:
Post a Comment