ජාත්‍යන්තර දිරිය කාන්තාව සම්මානය සඳහා ශ්‍රී ලංකාවේ ජන්සිලා මජීඩ් නැමති කාන්තාව තෝරාගෙන තිබේ.
අමෙරිකානු රාජ්‍ය ලේකම් හිලරි ක්ලින්ටන් මහත්මිය විසින් මජීඩ් මහත්මිය මෙම සම්මානය සඳහා තොරාගෙන ඇති බව ශ්‍රී ලංකාවේ අමෙරිකානු තානාපති කාර්යාලය නිවේදනය කරයි.
ශ්‍රී ලංකාවේ කාන්තා අයිතිවාසිකම් දිනාගැනීම සඳහා දැක්වූ දායකත්වය, සුළු ජාතික කාන්තාවන්ගේ ගැටලුවලට පිළියම් සෙවීමට මැදිහත්වීමත්, උතුරු නැඟෙනහිර අවතැන් ජනතාව සඳහා සහනාධාර සැපයීමට දායකත්වය සැපයීමත් යන කරුණු මුල්කරගනිමින් ඇයට මෙම සම්මානය ලබාදීමට හේතු සාධක වී ඇති බව සඳහන් වේ.
වාර්ෂිකව ලෝකයේ කාන්තාවන් දස දෙනෙකු සඳහා මෙම ජාත්‍යන්තර දිරිය කාන්තා සම්මානය පිරිනැමේ.
මෙවර මෙම සම්මානය සඳහා ශ්‍රී ලංකාවේ ජන්සිලා මජීඩ්ට අමතරව ඇෆ්ගනිස්ථාන, සයිප්‍රසය, ඩොමිනිකන් රාජ්‍යය, කොරියාව, කෙන්යාව, ඉරානය, සිම්බාබ්වේ, සහ සිරියාව යන රටවලින් කාන්තාවන් තෝරාගෙන තිබේ. ADA
0 comments:
Post a Comment